Read Kahua ISAIA 12 Bible Online

ISAIA 12 - Kahua bible

ISAIA 12

¹I na matena ngekana na enoni ka page kiki igê, ka vivi: “Araha, inê kê visigo raha. Igo ko bani mangariaga tangê, ma i ngekê igo ko hagakoro obaku aporo, suria i hato na mangariaganiha iamu.”

²God ki na tahingaku. Inê kê hagêguri togo renia, ma ki asa iaku be magu. Na Araha ki hagaramoniê ma ki hagagatagataniê. Ngaia ki na tahingaku.

³Na kariana na Araha ka page vagevagesia na ve, ga titi igê na ve karu ni tahinga.

⁴Igê na tangiana ngekana na enoni ka page kiki ka vivi: “Visia koro na Araha. Mu avarasia. Hagarongora na enoni i maveta renigi na tarani raha, i katogi. Mu hagagirarara, vi ngaia ki teha ngavê.

⁵Kiria na Araha renigi na tagaraha iana. Ke girara na maveta hagenani.

⁶Igamu na ai ni Sione, mu kiki ma kamu ngerengere. Na God iata na Isiraelita ki apuna teha ngavê. Ngaia ki raramohaga hunia ma ki ngahisira na kariana.”