Read Kahua ISAIA 17 Bible Online

ISAIA 17 - Kahua bible

ISAIA 17

¹Na Araha ki tamasi, ki vi: “Tamasiko ki hato, vige page vora nikâ na hinua. Ngaia ki page aruhuruhu.

²Na hinua i Siria ka page hihiruga. Na sipi ma na puruka ma ka page ngêngê i ngekana. Ma ki asa ta na enoni, vige tarigenira râ.

³Na hinua nganganihaga i Isiraele ka page magahuru, ma na arahanga ki page hato tenia i Tamasiko. Na ai ni Siria, na ani ga tahi, ka page maki mangara na ai ni Isiraele. Ngaia kani gê visia, inê na Araha raramohaga huniê.”

⁴Na Araha ki tamasi, ki vi: “Igê na matena ngekana ki page hato igê na raramohata na Isiraelita. Na matarehana ki page urusia na ruruguhana iata, manga na enoni, i binibinikaga i nago, ma hemuri ki rataga ngavê.

⁵Isiraele ki page bâ manga na mu ni koni, ga bani retegi. Ngaia ki page matarotaro, manga na mu i maruguna i Repaimi, ga bani opa hagahatungia.

⁶Tani ma na enoni ka page tahitahi. Isiraele ki page manga na apinige ni olive, ga bani husi hato na guani, nga noga ma ta guani, ga arisigi kê i na geregerena, se tani igê na arani i ano, ga hita so. Ngaia kani gê visia, inê na Araha God iata na Isiraelita.”

⁷I na matena ngekana, na enoni ka page takusia igê God, i hagavorara ma ki apuna teha ngavê, na God na Isiraelita ka rahesia.

⁸Ngaira ki hato, vige page hagarapera nikâ na ataro, ga vogasira igê na bea, ga tagarahigi re rimata mareta, se vige hagarapea nikâ na nununa na ataro ka Asera, ga tahea re rimata mareta, se vige susu nikâ tanga.

⁹I na matena ngekana na hinua nganagnihaga ka page hihiruga ma ka page aruhuruhu igê, mangagi na hinua iata na Hevita ma na Amorita, ga aharaga tenigi, matena ga gavatenira na Isiraelita.

¹⁰Isiraelita, igamu kamu bani bonotenia God na tahingami, i anumasigamu, matena mu rukuruku i pasina, ma kamu parahesia ma na ataro, ma kamu maruigi na mu mangara na enoni ahuroto.

¹¹Naka ma manga na na mu iami, ma ka vavaka ma ka takataka igê nga na mavoraro, mu hasigi igê, ma ki asa hagetage, vigamu tarahugi na ganuni. Ma ka page tarahugamu ma hete na bagabevoani ma na mamasiaganiha, i asa vige page hato.

¹²Rongo! Na enoni ahuroto ka heasiasi. Ngaira ka rongo manga na asi, i arobo ma ki maguhu.

¹³Na meronga ka râ me manga na ve, i ao ngavê. Ma God ki ramonira, ma ngaira ka gava aporo, manga na akuhukuhu na roga ki ahegenigi, se manga na go maria igê na maguara.

¹⁴I manurahi ngaira ka hagamagusigia, ma bâ, igê na mahogotana ngaira ka bani magahuru. Na tarana ngekê ki page tarahua na ani ma na enoni, i rurugu tenia na apanena iaka.