Read Kahua ISAIA 20 Bible Online

ISAIA 20 - Kahua bible

ISAIA 20

¹O Saragone, i marungia i Asiria, ki bonasia na maneraha teha na mane ni me i Asiria, hanana i taharia i Asetote, na hinua raha i Pilisitia.

²Na harisi gi oru i nago tarana na tarana ngekê na Araha ki bani vi tanga o Isaia, karena o Amose, ki tarasigi râ na santele ma na kakagani na gahu iana. Ngaia ki tê vita, ma ki arârâ rupaturi ma renigi na êgana gonari.

³Matena na me ni Asiria ka bani rêa i Asetote, na Araha ki vi: “Na kariaku o Isaia ki bani rârâ rupaturi ma renigi na êgana gonari surigi me noga na harisi gi oru. Na tarana ngekê ki na girarana na tarana, i page tarahurerua i Esipito ma i Etiopia.

⁴Na maneraha, i marungia i Asiria, ki page henahuraura na ai ni Esipito, ma ki page torera vê rupaturi. Na bani nuni ma na enoni haoru ka page arâ renigi na êgata gonari ma ka rupaturi. Ngaira ka page maki ngavê, suria ga pe gahu pusigi na marâ iata.

⁵“Na enoni, ga raruni togo renia i Etiopia ma ka tamasi paroparo renia i Esipito, ngaira ka page raruni baguru, ma ki asa vige page tako ni tahinga.

⁶I na matena ngekana na enoni igê na tarasini i Pilisitia ka page vi, ‘Bâsia na tarana i tarahura na enoni, igia ka hagêguri togo renira, hanana viga anumasigia ma ka hagatahigia tenia na maneraha, i marungia i Asiria! Manga i he igia ka girara, viga tahitahi?’”