Read Kahua ISAIA 35 Bible Online

ISAIA 35 - Kahua bible

ISAIA 35

¹Na masusu avagavaga ki page vagevage. Na bagamanihê raha ki page vagevagesigi na takani na mahe i rako.

²Ngaia ki page kiki ma ki page ngerengere vagevage. Ngaia ki page bâ hahaneaga ngavê mangagi na barani i Libanone, ma ki page bâkoro ngavê mangagi na hungana i Karamele ma na bena i Sarone. Na ara ni enoni hato ka page bâsigi na bâbâhana raha ma na raramohana na Araha God iaka.

³Hagaramonigi na rima mangusi ma na êga ga tatata.

⁴Tangara na ani, ga rumakaka, mu vivi: “Bâ, God ki râ me ki hagatahigamu, i râ me, hanana i hagaitangira na merongami. Mu ramo! Siana mu magu!”

⁵Na ani ga guru ki page marava aporo na maata. Na ani i pungu na karingata ka page rongorongo aporo.

⁶Na ani ga tavi ka page asireke manga na karena na puruka. Na ani ga bi ka page ngerengere vagevage. Na ve oto ka page gogogo igê na masusu avagavaga.

⁷Na one rarata ka page vora re na rano. Na ve banga ka page rako igê na mako rikitaga. Na bena pusuga ki page vora re na papana na ve ka akê igê na gogona ma na pupuruta.

⁸Na tara raha ki page oga igê, ga page hêtana vi “Tara ni Otoha”. Na enoni era ka pe arâ igê ma na ani ga bonobonoga nogata.

⁹Na laione ka pe gâga i ngekana ma na marâ vasiga nogata ga garagara. Nga noga ma na ani, na Araha i bani hagatahira, kani ga page aporo i pasita suria na tara ngekana.

¹⁰Ngaira ka page ataata râ i Jerusaleme. Ngaira ka page obakoro, ka page kiki ma ka page ngerengere vagevage igê. Ngaira ka page vagevage tare, suria ga kahu hato hagetage na mamasiaganiha ma na anumanumaha tenira.