Read Kahua ISAIA 38 Bible Online

ISAIA 38 - Kahua bible

ISAIA 38

¹Igê na matena ngekana nikâ o Hesekia ki maeha ma ki haga ni me. Na poropete o Isaia, karena o Amose, ki râ ki vatugia, ma ki vi tanga, ki vi: “Na Araha ki obanigo, vigo hagaotogi na ara ni marâ, suria igo ko sugi meme noga. I asa vigu page komaga aporo. Hoi, gu nanê.”

²O Hesekia ki ahoro râ i na apê ma ki nungia na Araha, ki vi:

³“Araha, bâ, inê kê toto surigo tare i mêrihaku hagenani. Inê kê aganarigi tare na marâ, go bonasiê renigi.” Ma ki nahuia na angiha.

⁴Ma hemuri na Araha ki bonasia o Isaia, ki vi:

⁵“Gu aporo i pasina o Hesekia, ma ko vi tanga, ko vivi, ‘Inê, na Araha, na God i rahesia na êvarimu o Tavite, inê kê rongoa na nunginungiha iamu, ma kê bâsigi na tavoni na maamu. Igo ki asa gu me i ngekê. Inê kê naka akê nikâ tangago na harisi tangahuru matare rima.

⁶Inê be hagatahigo, igo ma na hinua ikê Jerusaleme tenia na maneraha teha i Asiria, ma be ama ni anumasia nga na hinua.’”

²¹O Isaia ki vi tanga o Hesekia na maneraha, ki aba na mamanuha iana renia na meresini, ga tagarahia renigi na guani na fiki, ma ki kahu komaga aporo.

²²Mo Hesekia na maneraha ki hagatea, ki vi: “Na girarana ta na Araha ki page vateê renia, hanana gê girara, vigê komaga aporo ma kê page arâ nikâ kê rotu?” O Isaia ki arami, ki vi: “Na Araha ki page vatego renia na girarana, hanana i hagagirarago, vi ngaia ki page hagamonaria na suruha iana tangago. Hoi, matena go akê suria na tara, i tagarahia na maneraha o Agasi, na Araha ki page katoa na nununa na kere matena na apinige ni pepe ni rito igê na manurahi, ki bâbâ manga na nununa na kere matena na apinige ni pepe ni rito igê na ritovagana.” Na ki iana o Hesekia Matena o Hesekia na maneraha i Juta ki komaga aporo tenia na mera iana, ngaia ki segea na ki ikê: Inê kê takusia ma, vi inê kê meme vurusia na mêriha iaku. Inê kê takusia ma, vi inê kê arâ i pasita na enoni, ga bani me. Inê kê vi ma, vi i kere arege râ na mêriha iaku. Inê kê vi ma, vi i asa ve bâsia nikâ na Araha i maveta ikê. Inê kê vi ma, vi i asa ve bâsia nikâ (...)