Read Kahua ISAIA 4 Bible Online

ISAIA 4 - Kahua bible

ISAIA 4

¹I na matena ngekana na gete gi pi ka page okekea igê na mane gi tage, ma ka vivi: “Gu êragigami, i era ma kami maki, suria mi pe êragi. Siana ko tako renigi na ngauha ma na gahu. Igami maremami kami girara mi katogi.”

²I na matena ngekana na Araha ki page katogi igê na ara ni ngauha ma na apinige igê na agua ka akê maninga, ka raharaha ma ka bâkoro. Na Isiraelita, na ani ga tahitahi mêngara, ka page vagevagesigi na ngauha i mu, ma ka page ageage renigi.

³Na enoni, ga hita so i Jerusaleme, na ani God ki bani atera, hanana viga tahitahi, ka page visira, viga toto suria God.

⁴Na Araha raramohaga hunia ki page surira, ki page hagamatarotarora na ai ni Jerusaleme, ma ki page tananigi râ na tasi iata ma na gapu, ga bani gogo i ngekana.

⁵Ma hemuri i avorana na hungana i Sione ma i avorata na enoni, ga oga i ngekana, na Araha ki page hagatora na vaha, ki gâga surigi na tangiani, ma na robona ma na mavetana na gi surigi na bungiani. Na raramohana God ki page buhia ma ki page anumasia na hinua hagenani.

⁶Na raramohana ki page mamarusia na hinua tenia na arito igê na tangiani, hanana ga rukuruku igê tenigi na rangi ma na roga raha.