Read Kahua HAGARAHENGA 12 Bible Online

HAGARAHENGA 12 - Kahua bible

HAGARAHENGA 12

¹Na Araha ki vatea o Moise renigi na ramata igê

²tangara na Isiraelita. I murina na gete i apara na kare mane, ngaia ki pe matarotaro surigi na tangiani gi pi, tagenana ma manga i tahataha na obana.

³Igê na varuta na tangiana ka retea râ nga na gavona na varana o karena.

⁴I murina ngekana na tangiani tangahuru gi oru matara gi oru kê nikâ, ngaia ki kahu matarotaro aporo, suria i mamata na obana. Suria na matena ngekana hagenani ngaia ki apu, vige hataria ta na marâ i apuna se vige bâbanu igê na ruma na gahu apuna, mataro me na hagahatongina na hagamatarotaroana.

⁵I murina na gete i apara na kare hehene, ngaia ki pe matarotaro surigi na tangiani tangahuru matare he, tagenana ma manga i tahataha na obana. I murina ngekana na tangiani tangahuru ge ono matara ge ono kê nikâ, ngaia ki kahu matarotaro aporo, suria i mamata na obana.

⁶Matena i hatohato na hagamatarotaroana, henaka vi apara na kare mane se na kare hehene, ngaia na gete torerua tanga na mane ni vogasiha i maana na ruma na gahu apuna iana na Araha na karena sipi, i tongatonga na harisi i tage iana, tanga na vogasiha ni sungiha ma na barisumata se na gâ tanga na vogasiha ni bonoteniha ni tasi.

⁷Na mane ni vogasiha ki tagarenia nga na vogasiha iana na gete tanga na Araha ma ki hagarahe huria, hanana i matarotaro aporo, ma ngaia ki kahu matarotaro aporo. Ngaia nga ka na tarana i tuguhia na gete i murina i apara kare.

⁸Manga vi na gete ma ki bara tanga vige tagarenia na karena sipi, ngaia ki girara i tagarenirerua ma na barisumata gi rua se na gâ gi rua: tani tanga na vogasiha ni sungiha ma tani tanga na vogasiha ni bonoteniha ni tasi. Na mane ni vogasiha ki hagarahe huria na gete, hanana na gete ki matarotaro aporo, ma ngaia ki kahu matarotaro aporo.