Read Kahua JEREMIA 45 Bible Online

JEREMIA 45 - Kahua bible

JEREMIA 45

¹Igê na heta na harisi o Jehoiakimo karena o Josia ki maneraha surigi i Juta, o Baruku ki segegi so na marâ, gê visigi tanga.

²Ma hemuri inê kê hagarongoa renia na tamasinga iana na Araha God iata na Isiraelita, i vi:

³“Baruku, igo ko vi, ‘Inê kê rumakaka. I era ngavê tangê, suria na Araha ki hagaraha tare na mamasiaganiha iaku. Inê kê gegege. Ki meme na apeku. Ma ki asa be nahunia na mamaroha!’

⁴“Ma inê na Araha kê vi: Inê be hogegi na marâ, gê bani tagarahigi, ma be pirigi akê na marâ, gê bani hasigi. Na tarana ngekê ki page tarahua na maveta hagenani.

⁵Igo ko obania vari, vigo totora getego tenira na enoni getera? Siana! Inê be hagamamasiagara ngavê na ara ni enoni hato i maveta. Ma kê surua tangago, vi igo ko page tahitahi igê na agua mavê, go page arâ igê. Ngaia kani gê visia, inê na Araha.”