Read Kahua ANGIHA MARAMARA 5 Bible Online

ANGIHA MARAMARA 5 - Kahua bible

ANGIHA MARAMARA 5

¹Araha, gu takusigi na eraha, ga tarahugami. Bâsia na makiha ki nahuigami.

²Na ai mahuara ka parênigi na mako iamami. Na merongamami ka ogasigi na hinua iamami.

³Ngaira ka bani nahuira ka me na vaemamami. Na kenamami ngaira ka nâ. Igami kami vora re na kare banogo.

⁴Igami kami vurigi na ve mi tonomigi. Na ario nikâ kami vurivuri.

⁵Ngaira ka hagatagarahigami bâraha ma ka hagamamasiagagami ngavê. Igami kami mangusi ngavê na apemami. I mareha ngavê vi na mamaroha.

⁶Igami kami nungira na ai ni Esipito me Asiria, ka tamanigami renigi na ngauha, hanana ma vigami mauri renigi.

⁷Na êvarimami ka tasi, ma ngaira ka bani magahuru. Ma igami kami mamasiaga meni na tasi iata.

⁸Igami ka marungigami na enoni rakuraku. I mareha ngavê ta na enoni, ge girara, vige hagatahigami tenira.

⁹Matena mi totora ngêra i mu, igami kami arâ mamagura, suria na manero ka gamorahigami.

¹⁰I mahanaga na apemami renia na matoroha, suria i ramo na magêha i apemami.

¹¹I hungana i Sione ka tutugurira igê na gete iamami ka rongo era henira ma na kare viru iamami nikâ surigi na hinua hato i Juta.

¹²Ngaira ka riguira na enoni raha iamami ma ka pe hagahigasira na meraha.

¹³Ngaira ka hagatagarahira bâraha i mu na mane na gapu haoru iamami. Na kere mane ka migitariahehu na ario, suria i higera.

¹⁴Na bani nuni ki hato, vige page oga nikâ igê na tavani ogaha. Ma na enoni haoru ki hato, vige page ki nikâ, se vige page mâ nikâ.

¹⁵Na vagevageha ki bani hato vê tenigami. Na angiha maramara kani urusia na mâha.

¹⁶Na ara na marâ mi ageagesigi ka bani mutemute vê tenigami. Igami kami tasi. I era ngavê tangagami.

¹⁷Igami kami oba era ngavê. I hara na mamami, suria mi angisia i Sione.

¹⁸Na hungana i Sione ki hihiruga ma ki aruhuruhu ngavê. Na o vasiga ma kani ga ogasia.

¹⁹Ma igo God, igo ko Araha tare ma tarema. Na arahanga iamu ki asa, vige page hato.

²⁰Igo ko kasi renigami ngavê vari? Igo ko page takusigami aporo vari?

²¹Araha, gu toregami aporo tangago. Katogami, kami aporo tangago. Gu katogami, kami oga aporo manga i nago.

²²I hega, go rumakaka renigami ngavê vari? I hega, na mangariaganiha iamu ki asa vari, vige page hato?