Read Kahua BARUKU 5 Bible Online

BARUKU 5 - Kahua bible

BARUKU 5

¹Jerusaleme, tasigi râ na tarisigani na gahu, go hagesuru re, matena go angi maramara ma ko obaera, ma ko tuguni tare renia nga hete na bâkorohana ma na raramohana God.

²Gu aruha renia na otohana God. Gu tarepuri renia na arahanga iana God, i bani oga me ma tarema.

³God ki page hagabângenia na raramohamu tangara na enoni hato i maveta.

⁴Ngaia ki page hêtamu, vi “Marapeha tenia na otoha, Ramana tenia na tê vitana.”

⁵Jerusaleme, tagere ku ura igê na hungana. Gu bâ bêkê ma bêso. God apuna ki bonasira na karemu, ka haku aporo me. Ngaira ka vagevage, suria God ki takuira aporo.

⁶Ngaira ka aharaga tenigo so ma ka têgi vê na tara hatare ka râ, matena na merongata ka henahuraura. Ma i ngekê God ki torera ahaha aporo me tangago mangara na enoni raha.

⁷God ki bani bonasigi na hungani ma na barani ka anuigi na maruguni, ki hatara, hanana na ai ni Isiraele ka arâ tatahura igê, matena ga aporo i pasita igê na raramohana God.

⁸God ki bani bonasigi na vapu ma na apinige ga sigini koro, hanana ka mamarusira na ai ni Isiraele.

⁹God marena ki page bêngenira ma ki page ngahisira tare na Isiraelita. Ngaira ka page vagevage ngavê, matena ga aporo me tanga i pasita, suria God ki takuira ma ki koro tangara ma ki mavesira renia na raramohana.