Read Kahua ESEKIELE 15 Bible Online

ESEKIELE 15 - Kahua bible

ESEKIELE 15

¹Na Araha ki tamasi tangê, ki vi:

²“Igo, karena enoni ma, i hega, na varo ki teharia vari na apinige? Igê na tarana ta na varona na vaini ki teharigi igê na apinige i na vapu?

³Na ta ko girara, vigo tagarahia renia? O girara vari, vigo katoa renia na kuhakuha?

⁴Ngaia ki araria ma na gi. Manga vi na bogona heri ma ke noro ke makaka, ma i gupu ke marahaga, na ta ki araria?

⁵Matena i mamênga vige nonoro, ngaia ki pe bani araria rârâ ta na marâ, ma i ngekê ki makaka ma ki marahaga, ngaia ki kahu pe araria ngavê ta na marâ.

⁶“Hoi, inê na Araha God kê vi vikê: I tagenana mangagi na varo ni vaini i mu, ga sungigi, inê be katora vikana na ai ni Jerusaleme.

⁷Inê be hagaitangira. Ngaira ka bani tahi tenia tani na gi, ma i ngekê tani nikâ na gi ki page ngaura. Igê na matena ngekana igamu kamu page tahetara reniê igê, vi inê ka na Araha.

⁸Inê be katoa na agua, ke hihiruga, suria ngaira ka pe toto suriê. Ngaia kani gê visia, inê na Araha God.”