Read Kahua HOSEA 3 Bible Online

HOSEA 3 - Kahua bible

HOSEA 3

¹Na Araha ki tamasi tangê, ki vi: “Gu takuia aporo na gete, i gamogamo ma ki pe toto surigo. Gu takuia tagenana manga inê na Araha, gê ama ni takuira nga na Isiraelita, naka ma ngaira ka hagarapera na ataro ma ka vogasira renigi na bagora manu.”

²Vikê inê kê vuria na gete ngekê renigi na haga tangahuru matare rima ma tani na paike na raisi.

³Inê kê vi tanga, kê vi: “Go goga arihu i ruma iaku ma ko naasiê ma ko tototo suriê. Siana ko êrâ se gamogamo. Minê nikâ be toto surigo ma be naasigo.”

⁴Igê na tarana ngekê na Isiraelita ka page oga arihu nikâ, matena ga pe nahunira na maneraha, se na mane ga bêngenira, matena ga pe nahunigi na vogasiha se na agua ni vogasiha, se na nunuta na harasita matena ga pe nahunira na mane ni vogasiha.

⁵Ma hemuri na Isiraelita ka page urisi parongata, ma ka page aharia na Araha God iata, ma ka page aporo tanga na maneraha iata tenia na raraha iana o Tavite. Ma ngaira ka page hagahigasia na Araha, i page vatera na mahatanga iana.