Read Kahua JONA 2 Bible Online

JONA 2 - Kahua bible

JONA 2

¹I obana na ega o Jona ki avarasia na Araha God, i rahesia. Ngaia ki vi:

²Igê na anumanumaha iaku inê kê avarasigo Araha, ma igo ko aganariê. Tenia na agua iata na enoni, ga bani me hato inê kê avarasigo ma igo ko tê ringeku.

³Igo ko kasiê vato igê na rutuni i porona na asi, i kokoro ngavê, ma ko katogi na navo ka bobo huriê.

⁴Inê kê tako munimuni kê vi, vi igo ko paiê tenigo maremu. Ma ki asa iaku, ve rahesigo nikâ i Ruma ni Rotu iamu.

⁵Na asi ki arobo huriê, ma kê manavanava. Na asi ki buhiê hagenani ngavê. Na rauga ni asi ka hikohikoê.

⁶Inê kê vato kere so ngavê igê na gatani na maveta, igê na agua ga arâ su igê. Ma igo, Araha God iaku, ko hagatahiê tenia na agua ngekana.

⁷Matena gê meme noga, inê kê avarasigo, Araha. Ma igo ko aganariê i Ruma ni Rotu apuna iamu.

⁸Na enoni, ga vogasira na ataro, ka pe nahuni ramoha. Ngaira ka bani rumakaka, vige toto surigo.

⁹Ma inê be ki be visigo raha, ma be vogasigo. Inê be hagamonarigi na suruha iaku tangago. Igo nga na Araha ki na tahinga.”

¹⁰Ma hemuri na Araha ki katoa na ega, ki momoatenia banu i one o Jona.