Read Kahua TOMAHA NINUNI 26 Bible Online

TOMAHA NINUNI 26 - Kahua bible

TOMAHA NINUNI 26

¹I murina na ringa na Araha ki tamasi tangarerua o Moise ma o Eleasare karena o Aroni, ki vi:

²“Muru tomanira na mane hato ga tonga na harisi tangahuru gi rua iata ma ki teha râ ma ka arari ni mane ni me, surigi na ahemata hato iata Isiraelita.”

³O Moise mo Eleasare karu tê viteana na Araha ma karu unihakura na mane hato, ga tonga na harisi iata vigana. Ngaira ka haku me igê na bena i Moaba i na apanena tarê na ve i Jotano i avorana tarê i Jeriko. Ma i ngekana ngairerua karu tomanira igê. Igê ka na Isiraelita ga hura tenia i Esipito:

⁴

⁵Tenia na varo ninuni iana o Rubeni, na bêbê ni kare iana o Jakobo: na hagosi ninuni iata hehegitigi o Ganoke, o Palu,

⁶o Geseroni ma o Karami.

⁷Ngaira hato haku ka vora na 43,730 na mane.

⁸Na raraha iana o Palu ka no Eliaba

⁹mo karena o Nemuele, o Tatane ma o Abirama. Na enoni ka bani atererua o Tatane mo Abirama, hanana garu bêngenira. Ngairerua karu bani usitenirerua o Moise mo Aroni ma karu bani haku henirerua na kariana o Koraga, matena ga usitenia na Araha.

¹⁰Na ano ki tahatahaga ma ki unumira. Ngairerua karu me henira o Koraga ma na me iana, matena na 250 na kariana o Koraga ka me igê na gi,

¹¹nga noga ma o karena o Koraga ka tahi.

¹²Tenia na varo ninuni iana o Simeone: na hagosi ninuni iata hehegitigi o Nemuele, o Jamini, o Jakini,

¹³o Seraga ma o Saulu.

¹⁴Ngaira hato haku ka vora na 22,200 na mane.

¹⁵Tenia na varo ninuni iana o Gata: na hagosi ninuni iata hehegitigi o Sepone, o Gagi, o Suni,

¹⁶o Oseni, o Eri,

¹⁷o Arote ma o Areli.

¹⁸Ngaira hato haku ka vora na 40,500 na mane.

¹⁹Tenia na varo ninuni iana o Juta: na hagosi ninuni iata hehegitigi o Sela, o Peresi, o Seraga, o Geseroni ma o Gamulu. O Ere ma o Onane o karena gi rua na hitangita o karena o Juta karu bani me i Kanane.

²⁰

²¹

²²Ngaira hato haku ka varo na 76,500 na mane.

²³Tenia na varo ninuni iana o Isakare: na hagosi ninuni iata hehegitigi o Tola, o Puva,

²⁴o Jasubu ma o Simirone.

²⁵Ngaira hato haku ka vora na 64,300 na mane.

²⁶Tenia na varo ninuni iana o Sebuluni: na hagosi ninuni iata hehegitigi o Serete, o Eloni ma o Jagalele.

²⁷Ngaira hato haku ka vora na 60,500 na mane.

²⁸Na varo ninuni iana o Josepo. O Josepo ki aparerua o karena gi rua: o Manase ma o Eparaimi.

²⁹Na varo ninuni iana o Manase. O Manase ki apara o Makire ma o Makire ki apara o Gileata.

³⁰O Gileata ki na êvarita na hagosi ninuni iata hehegitigi o Iesere, o Geleki,

³¹o Asiriele, o Sekeme,

³²o Semita ma o Gepere.

³³O Selopegata karena o Gepere ki pe apara kare mane nga noga ma na kare gete. Na atata kani igê: ka Magala, ka Noa, ka Gogola, ka Milika ma ka Tirisa.

³⁴Ngaira hato haku ka vora na 52,700 na mane.

³⁵Tenia na varo ninuni iana o Eparaimi: na hagosi ninuni iata hehegitigi o Sutelaga, o Bekere, ma o Tagana.

³⁶O Sutelaga ka na êvarina na hagosi ninuni iana o Erane.

³⁷Ngaira hato haku ka vora na 32,500 na mane. Ngaira na hagosi ninuni ngegana ka na raraha iana o Josepo.

³⁸Tenia na varo ninuni iana o Benamino: na hagosi ninuni iata hehegitigi o Bela, o Asabele, o Agirama,

³⁹o Sepupame, ma o Gupame.

⁴⁰O Bela ki na êvariterua hegitigi na hagosi ninuni iaterua o Arata ma o Namane.

⁴¹Ngaira hato haku ka vora na 45,600 mane.

⁴²Tenia na varo ninuni iana o Tane: na hagosi ninuni iana o Sugama.

⁴³Ngaia ki vora na 64,400 na mane.

⁴⁴Tenia na varo ninuni iana o Asere: na hagosi ninuni iata hehegitigi o Imina, o Isivi ma o Beria.

⁴⁵O Beria ki na êvariterua na hagosi ninuni iaterua hehegitigi o Gebere ma o Malakiele.

⁴⁶Ka Seraga kani ka karena o Asere.

⁴⁷Ngaira hato haku ka vora na 53,400 na mane.

⁴⁸Tenia na varo ninuni iana o Napatali: na hagosi ninuni iata hehegitigi o Jagasele, o Guni,

⁴⁹o Jesere, ma o Sileme.

⁵⁰Ngaira hato haku ka vora na 45,400 na mane.

⁵¹Ngaira hato haku na mane na Isiraelita ka vora na 601,730.

⁵²Na Araha ki vi tanga o Moise, ki vi:

⁵³“Gu votoa na mako tangara na varo ninuni ki ararira hehegitigi manga viga rako se ga pe rako.

⁵⁴Gu voasia, mataro me na agua, go atani tavoa mavê na mako. Manga vi i raha ko vatea na varo ninuni ga rako, ma ki manga i sisite go vatea na varo ninuni ga pe rako.”

⁵⁵

⁵⁶

⁵⁷Na hagosi ninuni iata hehegitigi o Geresone, o Kehata ma o Merari ngaira ka na varo ninuni iana o Levi,

⁵⁸henira na apaparaha iata hehegitigi o Libini, o Geberone, o Magali, o Musi ma o Koraga. O Kehata ki apara o Amarama.

⁵⁹O Amarama ki êragia ka karena o Levi. Ngaia kani ka Jokebeti, i vora i Esipito. Ngairerua karu aparara na kare gi oru: na kare mane gi rua o Aroni ma o Moise ma na kare gete gi tage ka Miriama.

⁶⁰O Aroni ki aparara o karena ge he: O Nataba, o Abiu, o Eleasare ma o Itamare.

⁶¹O Nataba ma o Abiu karu me, matena garu susu tanga na Araha igê na gi i mareha vige râ me tenia na bea ni vogasiha.

⁶²Ngaira na mane na raraha iana o Levi, ga tonga na hageha gi tage iata ma ki teha râ, ngaira hato haku ka vora na 23,000. O Moise mo Eleasare karu pe tomanira henira na Isiraelita getera, suria ga pe vatera na mako i Isiraele.

⁶³O Moise mo Eleasare karu tomanira na Isiraelita hato ngegana igê na bena i Moaba i na apanena tarê na ve i Jotano i avorana tarê i Jeriko.

⁶⁴I mareha rârâ vige tahitahi mênga ta na mane i berarogata na enoni, o Moise mo Aroni garu bani tomanira igê na tomaha ninuni hagenago igê na bagamasusu raha i Sinai.

⁶⁵Na Araha ki bani visia, vi ngaira hato ka meme igê na bagamasusu raha, nga noga ma ngairerua o Kalebe karena o Jepune ma o Josua karena o Nune.