Read Kahua TOMAHA NINUNI 28 Bible Online

TOMAHA NINUNI 28 - Kahua bible

TOMAHA NINUNI 28

¹Na Araha ki bonasia o Moise,

²ki hagarongora na Isiraelita renigi na ramata tangara igê. Ngaia ki vi: “Mu tagarenigi nga na vogasiha ni ngêra gê obanigi igê na mateni tangagi. Na vogasiha ngegana ka hagakoro obaku.

³“Na vogasiha ni ngêra mu tagarenigi nga tangê inê na Araha kani igê. I na ara ni tangiani mu susu nga renirerua na karena sipi mane, garu tongatonga na harisi gi tage iaterua, karu apeapekoro ma karu pe baubêga:

⁴tani i mavoraro ma tani i manurahi.

⁵Henia na ara ni hitangiterua mu tagarenigi nga na 3 kilo na palaua tanga na vogasiha i hetorariga henigi na 2 lita na oile ni olive taranina.

⁶Ngairerua nga ka na vogasiha ni sungiha, ga bani susu hagenago renirerua i hungana i Sinai manga na vogasiha ni ngêra. Na vanuhaterua ki hagakoro obaku, inê na Araha.

⁷Henia na ara ni hitangiterua na vogasiha ngegana, tani i mavoraro ma tani i manurahi, mu karangigi nga na 2 lita na vaini huria na bea ni vogasiha. Ngairerua ka na vogasiha ni ngêra. Na vanuhaterua ki hagakoro obaku.

⁹“Igê na tangiana ni mamaroha mu tagarenirerua nga igê na karena sipi mane, garu tongatonga na harisi gi tage iaterua, karu apeapekoro ma karu pe baubêga, henigi na 6 kilo na palaua i hetorariga henia na oile ni olive tanga na vogasiha na palaua ma henia na vogasiha ni vaini.

¹⁰Mu tagarenia nga na vogasiha ni sungiha ngekana i na ara ni tangiani ni mamaroha, ma siana kamu nakagi râ na vogasiha i na ara ni tangiani henia na vogasiha ni vaini.

¹¹“Igê na ara ni tangiani ga haganega igê na hageha haoru mu tagarenia nga tangê na vogasiha ni sungiha ikê: na bêhâgaterua na puruka mane, na sipi mane gi tage ma na kareta gi pi na sipi mane, ga tongatonga na harisi gi tage iata. Ngaira hatohato ka apeapekoro nga ma ka pe baubêga.

¹²Tanga na vogasiha ni palaua mu tagarenia nga na palaua i hetorariga henia na oile ni olive. I manga ikê: henia na ara ni hitangiterua na puruka mane na 9 kilo na palaua taranina: henia na sipi mane na 5 kilo na palaua;

¹³ma henia na ara ni hitangita na kareta gi pi na sipi mane na 3 kilo na palaua. Na vogasiha ni sungiha ngegana ka na vogasiha ni ngêra. Na vanuhani ka hagakoro obaku.

¹⁴Na vogasiha ni vaini ki manga ikê: henia na ara ni hitangiterua na puruka mane na 4 lita na vaini; henia na sipi mane na 2 lita na vaini; henia na ara ni hitangita na karena sipi mane na 2 lita na vaini. Ngaia nga ka na ramata tanga na vogasiha ni sungiha tanga na tangiana hagenago na ara ni hageha igê na harisi hagenani.

¹⁵Henigi na vogasiha ni sungiha ma ni vaini i na ara ni tangiani, mu tagarenia nga na goti mane gi tage tanga na vogasiha ni bonoteniha ni tasi.

¹⁶“Igê na tangahuruta matare he na tangiana na hageha hagenago mu hagarahasia na tangiana raha na paseka tanga mu hagahigasiê igê.

¹⁷Igê na tangahuruta gi rima na tangiana, mu haganega na tangiani raha surigi na tangiani gi pi. Mu ngaugi ma na bereti mu pe torarigi henia na isiti.

¹⁸Igê na tangiana hagenago na tangiani raha ngegana, mu hakuhaku nga tanga mu hagarahasiê ma siana kamu tagara igê.

¹⁹Mu tagarenia na vogasiha ni sungiha tangê manga na vogasiha ni ngêra. Ngaia ki manga ikê: na bêhâgaterua na puruka mane, na sipi mane gi tage, ma na kareta gi pi na sipi mane, ga tongatonga na harisi gi tage iata. Ngaira hato ka apeapekoro nga ma ka pe baubêga.

²⁰Na vogasiha ni palaua i hetorariga henia na oile ni olive, ki manga ikê: henia na ara ni hitangiterua na puruka mane na 9 kilo na palaua taranina; henia na sipi mane na 6 kilo na palaua,

²¹ma na 3 kilo na palaua henia na ara ni hitangita na kareta na sipi mane.

²²Mu tagarenia nikâ na goti mane gi tage tanga na vogasiha ni bonoteniha ni tasi, hanana mu hagamatarotarora na enoni.

²³Matena mu tagarenigi na vogasiha ngegana, siana kamu naka râ na vogasiha ni sungiha i na ara ni mavoraro.

²⁴Nikâ surigi na tangiani gi pi mu tagarenia tangê na vogasiha ni ngêra na vanuhana ki hagakoro obaku, ma siana kamu nakagi râ na vogasiha ni sungiha ma ni vaini i na ara ni tangiani.

²⁵Igê na pita na tangiana mu hakuhaku tanga mu rahesiê ma siana kamu tagara igê.

²⁶“Igê na tangiana hagenago igê na tangiani raha ni nagoni na mu, matena mu tagarenia na vogasiha ni nagoni na koni tangê inê na Araha, mu hakuhaku me nga tanga mu rahesiê ma siana kamu tagara igê.

²⁷Mu tagarenia na vogasiha ni sungiha, na vanuhana i hagakoro obaku, manga ikê: na bêhâgaterua na puruka mane, na sipi mane gi tage ma na kareta gi pi na sipi mane, ga tongatonga na harisi gi tage iata. Ngaira hato ka apeapekoro nga ma ka pe baubêga.

²⁸Mu tagarenia na vogasiha na palaua taranina i hetorariga henia na oile ni olive manga ikê: na 9 kilo na palaua henia na ara ni hetangiterua na puruka mane; na 5 kilo na palaua henia na sipi mane,

²⁹ma na 3 kilo na palaua henia na ara ni hitangita na karena sipi mane.

³⁰Mu tagarenia nikâ na goti mane gi tage tanga na vogasiha ni bonoteniha ni tasi, hanana mu hagamatarotarora na enoni.

³¹Mu tagarenigi na vogasiha ngegana henia na vogasiha ni vaini ma siana kamu nakagi râ na vogasiha ni sungiha ma ni palaua i na ara ni tangiani.