Read Kahua TOMAHA NINUNI 29 Bible Online

TOMAHA NINUNI 29 - Kahua bible

TOMAHA NINUNI 29

¹“Na tangiana hagenago igê na pita na hageha mu hakuhaku me nga tanga na hagarahenga ma siana kamu tagara igê. Mu uhigi nga na ahuri igê na tangiana ngekana.

²Mu tagarenia na vogasiha ni sungiha, na vanuhana i hagakoro obaku inê na Araha: na bêhâgana gi tage na puruka mane, na sipi mane gi tage ma na kareta sipi mane gi pi ga tongatonga na harisi gi tage iata. Ngaira hato ka apeapekoro nga ma ka pe baubêga.

³Mu tagarenia na vogasiha ni palaua taranina i hetorariga henia na oile ni olive: na 9 kilo na palaua henia na puruka mane; na 6 kilo na palaua henia na sipi mane

⁴ma na 3 kilo na palaua henia na ara ni hitangita na kareta na sipi mane.

⁵Mu tagarenia nikâ na goti mane gi tage tanga na vogasiha ni bonoteniha ni tasi, hanana mu hagamatarotarora na enoni.

⁶Mu tagarenigi na vogasiha ngegana ma siana kamu nakagi vê na vogasiha ni sungiha henia na vogasiha ni palaua igê na tangiana hagenago i na ara ni hageha ma na vogasiha ni sungiha henigi na vogasiha ni palaua ma ni vaini i na ara ni tangiani. Na vanuhani na vogasiha ni ngêra ngegana ka hagakoro obaku inê na Araha.

⁷“Na tangahuruta na tangiana igê na pita na hageha mu hakuhaku me nga tanga na hagarahenga. Siana kamu ngêngê igê ma siana kamu tagara igê.

⁸Mu tagarenia na vogasiha ni sungiha na vanuhana ki hagakoro obaku inê na Araha: na bêhâgana gi tage na puruka mane, na sipi mane gi tage ma na kareta na sipi mane gi pi, ga tongatonga na harisi gi tage iata. Ngaira hato ka apeapekoro nga ma ka pe baubêga.

⁹Mu tagarenia na vogasiha ni palaua taranina i hetorariga henia na oile ni olive: na 9 kilo na palaua henia na puruka mane; na 5 kilo na palaua henia na sipi mane

¹⁰ma na 3 kilo na palaua henia na ara ni hitangita na kareta na sipi mane.

¹¹Mu tagarenia nikâ na goti mane gi tage tanga na vogasiha ni bonoteniha ni tasi ma siana kamu nakagi vê na vogasiha ni goti mane tanga mu hagamatarotarora na enoni ma na vogasiha ni sungiha i na ara ni tangiani henia na vogasiha ni palaua ma ni vaini.

¹²“Na tangahuruta matare rima na tangiana igê na pita na hageha mu hakuhaku me nga tanga na hagarahenga. Mu hagarahasigi nga na tangiani raha ngegana, hanana mu hagahigasiê inê na Araha surigi na tangiani gi pi ma siana kamu tagara igê.

¹³Igê na tangiana hagenago mu tagarenia nga na vogasiha ni ngêra na vanuhana i hagakoro obaku: na bêhâgata na puruka mane tangahuru matare oru, na sipi mane gi rua ma na kareta na sipi mane tangahuru matare he, ga tongatonga na harisi gi tage iata. Ngaira hato ka apeapekoro nga ma ka pe baubêga.

¹⁴Mu tagarenia na vogasiha na palaua taranina i hetorariga henia na oile ni olive: na 9 kilo na palaua henia na ara ni hitangita na puruka mane; na 6 kilo na palaua henia na ara ni hitangiterua na sipi mane,

¹⁵ma na 3 kilo na palaua henia na ara ni hitangita na kareta na sipi mane henigi na vogasiha ni vaini.

¹⁶Mu tagarenia nikâ na goti mane gi tage tanga na vogasiha ni bonotenigi ni tasi ma siana kamu naka vê na vogasiha ni sungiha henigi na vogasiha ni palaua ma ni vaini i na ara ni tangiani.

¹⁷“Igê na ruata na tangiana mu tagarenia na bêhâgata tangahuru matarerua na puruka mane, na sipi mane gi rua ma na tangahuru matare he na kareta na sipi mane, ga tongatonga na harisi gi tage iata. Ngaira hato ka apeapekoro nga ma ka pe baubêga.

¹⁸Mu tagarenira ngaira hato ngegana henigi na vogasiha hato getigi manga igê na tangiana hagenago.

²⁰“Igê na oruta na tangiana mu tagarenira na bêhâgata na tangahuru matare tage na puruka mane, na sipi mane gi rua ma na tangahuru matare he na kareta na sipi mane, ga tongatonga na harisi gi tage iata. Ngaira hato ka apeapekoro nga ma ka pe baubêga.

²¹Mu tagarenira ngaira hato ngegana henigi na vogasiha hato getigi manga igê na tangiana hagenago.

²³“Igê na heta na tangiana mu tagarenira na bêhâgata tangahuru na puruka mane, na sipi mane gi rua ma na kareta na sipi mane tangahuru matare he, ga tongatonga na harisi gi tage iata. Ngaira hato ka apeapekoro nga ma ka pe baubêga.

²⁴Mu tagarenira ngaira hato ngegana henigi na vogasiha hato getigi manga igê na tangiana hagenago.

²⁶“Igê na rimata na tangiana mu tagarenira na bêhâgata gi siva na puruka mane, na sipi mane gi rua ma na tangahuru matare he na kareta na sipi mane, ga tongatonga na harisi gi tage iata. Ngaira hato ngegana ka apeapekoro nga ma ka pe baubêga.

²⁷Mu tagarenira ngaira hato ngegana henigi na vogasiha hato getigi manga igê na tangiana hagenago.

²⁹“Igê na onota na tangiana mu tagarenira na bêhâgata ge varu na puruka mane na sipi mane gi rua ma na tangahuru matare he na kareta na sipi mane, ga tongatonga na harisi gi tage iata. Ngaira hato ka apeapekoro nga ma ka pe baubêga.

³⁰Mu tagarenira ngaira hato ngegana henigi na vogasiha hato getigi manga igê na tangiana hagenago.

³²“Igê na pita na tangiana mu tagarenira na bêhâgata na puruka mane gi pi, na sipi mane gi rua ma na tangahuru matare he na kareta na sipi mane ga tongatonga na harisi gi tage iata. Ngaira hato ka apeapekoro nga ma ka pe baubêga.

³³Mu tagarenira ngaira hato ngegana henigi na vogasiha hato getigi manga igê na tangiana hagenago.

³⁵“Igê na varuta na tangiana mu hakuhaku me nga tanga na hagarahenga ma siana kamu tagara igê.

³⁶Mu tagarenia na vogasiha ni sungiha manga na vogasiha ni ngêra. Na vanuhana ki hagakoro obaku inê na Araha: na bêhâgana gi tage na puruka mane, na sipi mane gi tage ma na kareta na sipi mane gi pi, ga tongatonga na harisi gi tage iata. Ngaira hato ka apeapekoro nga ma ka pe baubêga.

³⁷Mu tagarenira ngaira hato ngegana henigi na vogasiha hato getigi manga igê na tangiana hagenago.

³⁹“Nga na ramata tangagi na vogasiha ni sungiha, na vogasiha ni palaua, na vogasiha ni vaini ma na vogasiha ni ngêhaku kani ngegana. Mu tagarenigi nga tangê inê na Araha igê na tangiani raha iami, ga bani oga me tangagamu. Ngaigi na ramata ngegana ka hagatonganigi na ramata tangagi na vogasiha ni hagamonariani na suruha ma na vogasiha iami suri parongami.”

⁴⁰Hoita, o Moise ki visigi tangara na Isiraelita na ara ni marâ hato na Araha i bani bonasia renigi.