Read Kahua TOMAHA NINUNI 34 Bible Online

TOMAHA NINUNI 34 - Kahua bible

TOMAHA NINUNI 34

¹Na Araha ki vatea o Moise

²renigi na ramata igê tangara na Isiraelita. “Matena mu bêbanu i Kanani, gê page haganahunigamu renia, na pereperegana iami ka manga igê:

³Na taritarihana bê râ tanga i Esipito ki râ suria na taritarihana i Etome tanga na bagamasusu raha i Sini. Ngaia ki haganega i kerekê i na bogona na Asime.

⁴Tenia i ngekana ngaia ki râ nga i na apanena bê râ tanga i Esipito tanga na teha i Akarabimi ma ki aharêvoro igê na bagamasusu raha i Sini, ki râ ma ki tariha i Katesi Baranea. Tenia i ngekana ngaia ki arigu tanga i Gasare Atare, ki râ ma ki tariha i Asamone.

⁵Tenia i ngekana ngaia ki arigu tanga na maruguna igê na taritarihana i Esipito ma ki râ ki hato i asi.

⁶“Na taritarihana bêso ngaia ki na asi.

⁷“Na taritarihana igê na hungana i Libanone ki haganega i asi, ki rârâ ma ki tariha igê na hungana i Hore. Tenia i ngekana ngaia ki râ tanga na teha i Hamata,

⁸ki râ nga tanga i Setata

⁹ma tanga i Siperone, ki râ ki hato i Gasare Enane.

¹⁰“Na taritarihana bêkê ki haganega i Gasare Enane, ki râ ki tariha i Sepama.

¹¹Tenia i Sepama ngaia ki râ ki tariha i Ribila i na apanena bêkê i Aini, ma ki râ surigi na hungani i na apanena bêkê na rano i Galilea.

¹²Tenia i ngekana ngaia ki râ suria na ve i Jotano, ki râ ki tariha i Asime. Nga ka na taritarihana na apanena iami i Kanani ngegana.”

¹³Hoita, o Moise ki vi tangara na Isiraelita, ki vi: “Nga na apanena iami i Kanani kani ngekana. Mu votoa tarome kamu tongani. Mu ata ni tavoa mavê tani i berarogami. Na Araha ki haganahunira re na varo ninuni gi siva ma na apapana renia.

¹⁴Na varo ninuni iaterua hegitigi o Rubeni mo Gata ma na apapana na varo ninuni iana o Manase i kerekê ka bani nahunigi na apaneni iata ma ka bani tonganira na hagosi ninuni iata renigi,

¹⁵i na apanena bêkê na ve i Jotano i avorana tarê o Jeriko.”

¹⁶Na Araha ki vi tanga o Moise, ki vi:

¹⁷“O Eleasare na mane ni vogasiha ma o Josua karena o Nune kanigaru voasia tarome nga i Kanani tangara na enoni.

¹⁸Nikâ gu atea na vere tage na mane na bêna na ara ni varo ninuni hehegitigi, hanana ga tamanirerua.”

¹⁹Na atata na mane na Araha i atera kani igê: [Tenia na varo ninuni iana o Juta:] — o Kalebe karena o Jepune. [Tenia na varo ninuni iana o Simeone:] — o Samuele o karena o Amihuti. [Tenia na varo ninuni iana o Benamino:] — o Eliata karena o Kisilone. [Tenia na varo ninuni iana o Tane:] — o Buki karena o Jogoli. [Tenia na varo ninuni iana o Manase:] — o Ganiele karena o Epote. [Tenia na varo ninuni iana o Eparaimi:] — o Kemuele karena o Sipitane. [Tenia na varo ninuni iana o Sebuluni:] — o Elisapane karena o Paranaka. [Tenia na varo ninuni iana o Isakare:] — o Palatiele karena o Asane. [Tenia na varo ninuni iana o Asere:] — o Agihuti karena o Selomi. [Tenia na varo ninuni iana o Napatali:] — o Petaele karena o Amihuti.

²⁹Ngaira nga ka na mane na Araha ki atera, hanana ga voasia tarome i Kanani tonganira varo ninuni iata hehegitigi na Isiraelita.