Read Kahua SAKARIA 4 Bible Online

SAKARIA 4 - Kahua bible

SAKARIA 4

¹Na angero, i bani meêtamasi tare, ki râ me nikâ. Ngaia ki ngingiê, manga vi inê kê mêru.

²Ngaia ki hagateê, ki vi: “Na ta ko bâsia?” Inê kê arami, kê vi: “Inê kê bâsia na golo na atohana na laiti. Ma igê ka goga na laiti gi pi, ma na ara ni hitangini ki nahunigi na agua gi pi, ga tangagi igê. Ma i gupuni ki akê teha na agua, i oga igê na pi na oile, i hagavunusigi na laiti.

³Na apinige ni olive gi rua karu ura hetangenia.”

⁴Ma inê kê hagatea na angero, kê vi: “Maneraha, na marâ tanga na ta igê?”

⁵Ngaia ki hagateê bê aporo, ki vi: “Go pe hagare?” Inê kê arami, kê vi: “Ua, maneraha, inê kê pe hagare.”

¹⁰Na angero ki vi tangê, ki vi: “Na laiti gi pi ka manga na maana na Araha, i bâsira na ara ni marâ hato i maveta hagenani.”

¹¹Ma hemuri inê kê hagatea, kê vi: “Na apinige ni oile gi rua, karu ura hetangenia, tanga na ta?

¹²Na ta ki na girarana na arana tani ma na arana tani, garu rato igê na hagepu na golo, i gogogo igê na oile?”

¹³Ngaia ki hagateê bê aporo, ki vi: “Go pe hagare?” Inê kê arami, kê vi: “Ua, maneraha, gê pe hagare.”

¹⁴Ma ngaia ki vi: “Ngairerua ka na vererua na mane, God ki bani atererua ma ki bani monererua renia na oile, hanana garu tagara tanga na Araha, i nahunia na maveta hagenani.” Na suruha iana God tanga o Serubabele Na angero ki hagatorê, kê hagarongoa o Serubabele renia na tamasinga iana na Araha tanga, i tamasi vikê: “Igo ko page tehateha, mareha vi renia na hearihatana, se vi renia na raramohanu maremu, ma renia hete na raramohaku inê. Na bagahagapepe raha mangagi na barani ka page magahuru i maamu. Igo ko page tagarahia aporo na Ruma ni Rotu, ma na matena go tehusua renigi na hê, na enoni ka page gasi na maata renia, ka vivi, ‘E, bâkoro era! Bâkoro era ngavê!’ Inê nga na Araha raramohaga huniê kani gê visia.” Na Araha ki hagagirarê renia na tamasinga getea nikâ. Ngaia ki vi: “O Serubabele ki bani haganega na Ruma ni Rotu, ma ki page hagahatungia nikâ. Igê na matena ngekana na kariaku ka page girara igê, vi inê, na Araha raramohaga huniê, kani gê hagatorangenigo tangara. Ngaira ka tako tug(...)