Read Kahua MALAKI 4 Bible Online

MALAKI 4 - Kahua bible

MALAKI 4

¹Na Araha raramohaga hunia ki vi: “Bâ, i page arâ me na matena ga page noro igê na enoni hato, ga paroparo ma ka erataga, manga na go maria. Igê na tangiana ngekana ngaira ka page nonoro igê ma ka page makaka.

²Ma tangagamu igamu, na ani mu toto suriê, na raramohaku ni tahinga ki page angarigamu manga na arito, ma ki page hagakomagagamu manga na bababana na arito. Igamu kamu page asitatara, ma kamu page obakoro mangara na kareta na puruka, ga asesi hura, matena ga tangahira.

³Igê na tangiana, gê hagabângenia igê na raramohaku, igamu kamu page teharira igê na enoni era, ma ngaira ka page mangagi na momo, mu purigi.

⁴“Tahema i tuguhigamu, vigamu takusigi tare na hagesuringa iana o Moise na kariaku ma na ramata ma na tamasinga, gê vatea renigi i hungana i Sinai, hanana vi na Isiraelita hato ka marupegi.

⁵“Ma i nago tarana na tangiana raha inê na Araha kê page surira igê na enoni, inê be hagatorangenia tangagamu o Elia na poropete.

⁶Ngaia ki page katoa, ka obahaku heri aporo na enani kare ma na kareta. Manga i mareha, inê kê page arâ me, hanana gê hagaerasia ngavê na apanena iami.”