Read Kahua 1 KORINTO 2 Bible Online

1 KORINTO 2 - Kahua bible

1 KORINTO 2

¹Goaku igê na tongesuriha, matena inê kê râ me i pasimi, hanana vi gê ateate igê tangagamu renia na katoha pinihi iana God, inê kê pe paroparo, ma na tamasinga iaku ki rongo mataha tangagamu.

²Na marâ gi tage ma gê obania tangagamu, matena gê goga henigamu: inê kê obania ma, vi gê hagagiraragamu renia nga o Jesu Kirisito, i me igê na kuruse.

³Tahema, matena gê râ me i pasimi, inê mareku kê pe ramo, ma kê magu ngavê.

⁴Igamu kamu tongesuria na taroha, mareha vi suria na tavatavaniha iaku tangagamu ki koro, se vi na tamasinga iaku tangagamu ki rongo mangagi na tamasinga iata na enoni, ga tako mataha. Mareha. Igamu kamu tongesuria suria ma na raramohana na Higona Apu.

⁵Tahema igamu kamu tongesuria o Kirisito, mareha ma vi suria na takoha mataha iana na enoni, ma suria ma hete na raramohana God.

⁶I monari, inê kê visia na takoha mataha tangara na enoni, ga takotako maninga. Na takoha mataha ngekê ki pe râ manga na takoha mataha iata na enoni, se vi iata na maneraha, ga marungia na maveta. Na maneraha ngegana ka page hato.

⁷Na takoha mataha, gê visia, ngaia ki na katoha iana God. Na katoha ngekana ki pinihi tenira na enoni, ga pe tongesuri; nga noga ma na enoni, ga tongesuri, kaniga rongogirara. Na katoha ngekana God ki bani naka, matena na maveta ki mamênga, hanana i hagakorogia.

⁸Mareha vê vi ta na hitangita na maneraha, ga marungia na maveta ikê, vi ge tarahua na takoha mataha ngekana. Manga vi ngaira, ma ke bani girara, vikê ngaira ke pe rapusia na Araha raramohaga igê na kuruse.

⁹Ma na Buka Apuna ki vi, “Na marâ, i mareha rârâ ta na enoni, vi ge bani rigia se vi ge bani rongoa, na marâ, na enoni ka vi, vi i asa, vi ge vora me, ngaia nga ki na marâ, God i bani hagarêa tangara na enoni, ga takuia.”

¹⁰Ma tangagia igia renia na Higona Apu God ki hagagiraragia renia na katoha pinihi iana. Na Higona Apu ki giraragi ngavê na ara ni marâ hato, henaka vi na marâ, ga oga pinihi ngavê igê na aitangihana God.

¹¹Ti ki girara na aitangihana na enoni? Ngaia ma marena na enoni kani girara. I tagenana ma na Higona Apu iana God, ngaia ma marena kani girara na aitangihana God.

¹²God ki pe vategia na ramoha, hanana vi ge takotako mangara na enoni i maveta, ma ki bani vategia hete na Higona Apu, hanana vi igia ka giraragi na ara ni marâ hato, God i bani vategia.

¹³Tahema, matena igia ka hagararingenigi na marâ renia God tangara na enoni, i angarira na Higona Apu, igia ka pe tamasi renigi na tamasinga, na enoni ga hagesurigia renigi, ma renigi hete na tamasinga, na Higona Apu i hagesurigia renigi.

¹⁴Na enoni, i pe angaria na Higona Apu, ngaia ki asa, vi ge têgi na votovoto, ga râ me tenia na Higona Apu iana God. Suria ngaia ki pe tako mataha maninga renigi. Ngaia ki takusigi ma, vi na marâ bekabekaga ma, suria ma na Higona Apu ki girara i hagagirara renigi na morani na girarani.

¹⁵Na enoni, na Higona Apu ki angaria, ngaia ki girara i hagakitagi na girarani na ara ni marâ. Ma ki asa ta na enoni, ge girara, vi ge hagakita bê me ngaia.

¹⁶Renia na Buka Apuna ki vi, “Ti kani girara na aitangihana na Araha? Ti kani girara i hagaotoa?” Ma igia, na aitangihaka ki maratorana na aitangihana o Kirisito.