Read Kahua JOSUA 12 Bible Online

JOSUA 12 - Kahua bible

JOSUA 12

¹Na Isiraelita ka bani parênia ma ka bani ogasia na agua i na apanena akê na ve i Jotano, haganega igê na maruguna na ve Aranone, ki râ suria na maruguna na ve i Jotano, ki rârâ ma ki tariha i hungana i Heremone. Ngaira ka mererâheariha na maneraha gi rua ma ka teharirerua.

²Na hitangiterua ka no Sigone, na maneraha iata na Amorita. Na ruma raha iana ki oga i Gesebone. Ngaia ki marungia ta apanena i Gileata: haganega i Aroere i na akerena na maruguna na ve i Aranone, i oga igê na hinua raha, ki râ ki tariha igê na ve i Jaboko, na taritarihana i Amone.

³Ngaia ki marungia nikâ na maruguna i na apanena bêkê na ve i Jotano, haganega igê na rano ni Galilea, ki râ tanga i Bete Haiesimote bêkê igê na Asime, ki rârâ ma ki tariha na hungana i Pisiga.

⁴Na ruata na hitangiterua ka no Ogo. Ngaia ki maneraha i Basani. Ngaia ka na hagahatungina na varo ni nuni iata na Repaimi. Ngaia ki nahunirerua na ruma raha gi rua: tani i Asatarote ma tani i Eterei.

⁵Ngaia ki marungigi na hungani i Heremone, i Salaka ma i Basani haganani ki râ tariha igê na taritarihaterua i Gesure me Maka ma tapanena i Gileata ki râ ki tariha igê na apanena i Gileata i marungia na maneraha o Sigone i oga i Gesebone.

⁶Ngairerua ka na maneraha o Moise ma na Isiraelita ga teharirerua. O Moise na kariana koro na Araha ki haganahunira na varo ninuni iaterua hegitigi o Rubeni mo Gata ma ta apanena na varo ninuni iana o Manase renigi na agua iaterua na maneraha ngegana.

⁷O Josua ma na Isiraelita ka teharira na maneraha hato igê na agua i na apanena bêso na ve i Jotano: haganega i Balagata igê na maruguna i Libanone ki râ ki tariha igê na hungana i Kale i Etome i bêhetanga henia i Seire. O Josua ki vatoa na agua ngekana tonganira na varo ninuni, hanana ga nahunia hagahu.

⁸Na agua ngekana kani manga ikê: na agua huhunganiga, na bena i Sepela, na maruguna na ve i Jotano, na agua huhunganiga, na bagamasusu raha ma i Negeve. Na agua ngegana kani iata hehegitigi na Hitita, na Amorita, na Kananita, na Perisita, na Givita ma na Jebusita.

⁹Na Isiraelita ka teharira na maneraha hehegigtigi surigi na hinua igê: i Jeriko, i Ai hagarangia i Betele, i Jerusaleme, i Heberoni, i Jaramuti, i Lakisi, i Egelone, i Gesere, i Tebiri, i Getere, i Goroma, i Arata, i Libina, i Atulama, i Maketa, i Betele, i Tapuaga, i Gepere, i Apeke, i Lasarone, i Matone, i Hasore, i Simirone Merone, i Agasapa, i Tanaka, i Megito, i Ketesi, i Jokoneama hagarangia i Karamele, i Tore igê na tarasini, i Goimi hagarangia i Gilegale ma i Tirisa. Ngaira hato haku ka vora na 31 na maneraha.