Read Kahua JOSUA 16 Bible Online

JOSUA 16 - Kahua bible

JOSUA 16

¹Na pereperegana na apanena iana na varo ninuni iana o Josepo ki haganega i ve i Jotano hagarangia i Jeriko, ki râ i na apanena bêkê na ve banga i Jeriko ma ki râ ki banu igê na bagamasusu raha. Ngaia ki haganega i Jeriko, ki tagere igê na hungani ma râ tariha i Betele.

²Tenia i Betele ngaia ki râ tanga i Lusi, ki aharêvoro igê na mako iata na Araita, tanga i Atarote.

³Tenia i ngekana ngaia ki arigu bêso tanga na mako iata na Japalita, ki râ ki tariha i Bete Gorone igê na bena ma tenia i ngekana tanga i Gesere ma ki hato i asi.

⁴Ngaia nga ka na apanena iana na varo ninuni iana o Josepo ga nahunia. Ngaira ka na varo ninuni iaterua hegitigi o Eparaimi mo Manase, i vi na apapana na varo ninuni iana o Manase i oga i na apanena bêso na ve i Jotano.

⁵Ga haganahunira na hagosi ninuni tenia na varo ninuni iana o Eparami renia na agua ikê. Na pereperegana na apanena iata ki haganega i Atarote Atare, ki bêkê tanga i Bete Gorone i haha

⁶ma tenia i ngekana ngaia ki bêso tanga na asi. Na pereperegana bêkê ki haganega i Mikimeta, ki arigu tanga i Tanata Silo,

⁷ki ri i na apanena bêkê i Janoaga tangarerua i Atarote ma i Narata ma ki râ tanga i Jeriko ma ki tariha i ve i Jotano.

⁸Ta pereperegana nikâ ki haganega i Tapuaga, ki bêso tanga na ve i Kana ma ki hato i asi. Ngaia nga ka na agua ga haganahunira na hagosi ninuni tenia na varo ninuni iana o Eparaimi renia

⁹henigi tani na hinua raha ma na hinua sisite, ga oga i rarona na apanena iana na varo ninuni iana o Manase ma ka haganahunia na varo ninuni iana o Eparaimi renigi.

¹⁰Ngaira ka pe tarigenira hura na Kananita, ga ogasia i Gesere. Ma ki tariha me i ngekê na Kananita ka oga i berarogata na raraha iana o Eparaimi, ga hagatagarahira raha tangara mangara na kare rakuraku iata.