Read Kahua JOSUA 21 Bible Online

JOSUA 21 - Kahua bible

JOSUA 21

¹Na bêni na hagosi ninuni tenia na varo ninuni iana o Levi ngaira ka râ i pasita o Eleasare na mane ni vogasiha, o Josua karena o Nune ma na bêni na hagosi ninuni tenigi na varo ninuni hato hehegitigi iata na Isiraelita.

²I ngekana i Silo i Kanani ngaira ka vi tangara igê, ka vi: “Na Araha ki haribona i harana o Moise, hanana vi igamu kamu haganahunigami renigi na hinua kami gâga igê henigi na bena ni go tangara na togoha iamami.”

³Vikana suria na bonasiha iana na Araha na Isiraelita ka haganahunira na raraha iana o Levi renigi tani na hinua henigi na bena ni go i raroni na apanena iata mareta hegitigi.

⁴Ga haganahunira hagenago na ahemata tenia na hagosi ninuni iana o Kehata renigi na hinua. Ga haganahunira na ahemata na raraha iana o Aroni na mane ni vogasiha renigi na 13 na hinua raha i raroni na apaneni iata na raraha iata hehegitigi o Juta, o Simeone mo Benamino.

⁵Ga haganahunira tani na raraha iana o Kehata renigi na 10 na hinua raha i raroni na apaneni iata na raraha iata hehegitigi o Eparaimi, o Tani mo Manase na apapana bêso.

⁶Ga haganahunira na raraha iana o Geresone renigi na 13 na hinua raha i raroni na apanena iata na raraha iata hehegitigi o Isakare, o Asere, o Napatali ma o Manase na apapana bêkê.

⁷Ga haganahunira na ahemata tenia na hagosi ninuni iana o Merari renigi na 12 na hinua raha i raroni na apaneni iata na raraha iata hehegitigi o Rubeni, o Gata mo Sebuluni.

⁸Na Isiraelita ka kangikangi na atani na hinua ma ka kahu haganahunira na raraha iana o Levi renigi na hinua ngegana henigi na bena ni go, manga na Araha i bani haribona i harana o Moise.

⁹Igê nga ka na atani na hinua i raroni na apaneni iata na raraha iaterua hegitigi o Juta mo Simeone. Na Isiraelita ka haganahunira re hagenago

¹⁰na raraha iana o Aroni tenia na hagosi ninuni iana o Kehata na raraha iana o Levi.

¹¹Ngaira ka têa na hinua raha i Kiriata Araba henigi na bena ni go rihia. O Araba ka no vaemana o Enaka. I Araba ka hêtana i ngekê vi i Heberone. Ngaia ki oga igê na agua huhunganiga iata na raraha iana o Juta.

¹²Henaka viga bani haganahunia o Kalebe karena o Nepune renigi na bena ni go rihia i Heberone ma na hinua sisite hagarangia.

¹³Henia i Heberone na hinua ni rukuha, na raraha iana o Aroni na mane ni vogasiha ka têgi na hinua raha igê: I Libina, i Jatiri, i Esetemoa, i Goloni, i Tebire, i Aini, i Juta me Bete Semesi henigi na bena ni go rihigi. Ngaigi hato haku na hinua raha ngegana ka 9 i raroni na apanena iata na raraha iaterua hegitigi o Juta mo Simeone.

¹⁷I rarona na apanena iata na raraha iana o Benamino na hinua raha ge he igê henigi na bena ni go rihigi: i Geba, i Anatote, i Gibeone me Alamone. Na mane ni vogasiha na raraha iana o Aroni ka têgi na 13 na hinua raha henigi na bena ni go rihigi.

²⁰Ga haganahunira na ahemata getera tenia na hagosi ninuni iana o Kehata renigi na hinua raha ge he igê i rarona na apanena iata na raraha iana o Eparaimi: i Segeme na hinua ni rukuha henigi na bena ni go rihia igê na agua huhunganiga iata na raraha iana o Eparaimi, i Gesere, i Kibisaimi me Bete Gorone henigi na bena ni go surigi hehegitigi.

²³I rarona na apanena iata na raraha iana o Tani ngaira ka têgi na hinua raha ge he igê: i Eleteke, i Gibetone, i Aialone me Gatarimone henigi na bena ni go surigi hehegitigi.

²⁵I rarona na apanena iata na raraha iana o Manase na apapana bêso ngaira ka têrerua na hinua raha gi rua igê: i Tanaka me Gatarimone henigi na bena ni go surirerua hegitigi.

²⁶Ngaira hato haku na ahemata tenia na hagosi ninuni iana o Kehata ka têgi na 10 na hinua raha henigi na bena ni go surigi hehegitigi.

²⁷Na ahemata tenia na hagosi ninuni iana o Geresone tenia na varo ninuni iana o Levi, ngaira ka têrerua na hinua raha gi rua igê i rarona na apanena iata na raraha iana o Manase na apapana bêkê: i Golane na hinua ni rukuha i Basani me Besetera henigi na bena ni go surirerua hegitigi.

²⁸I rarona na apanena iata na raraha iana o Isakare ngaira ka têgi na hinua raha ge he igê: i Kisione, i Taberata, i Jaramuti me Enganimi henigi na bena ni go surigi hehegitigi.

³⁰I rarona na agua iata na raraha iana o Asere ngaira ka têgi na hinua raha ge he igê: i Misale, i Abatone, i Gelekata me Regobo henigi na bena ni go surigi hehegitigi.

³²I rarona na apanena iata na raraha iana o Napatali ngaira ka têgi na hinua raha gi oru igê: i Ketesi na hinua ni rukuha i Galilea, i Gamote Tore me Karatana henigi na bena ni go surigi hehegitigi.

³³Ngaira hato haku na ahemata tenia na hagosi ninuni iana o Geresoni ka têgi na 13 na hinua raha henigi na bena ni go surigi hehegitigi.

³⁴Na ahemata tenia na hagosi ninuni iana o Merari tenia na varo ninuni iana o Levi ka têgi na hinua raha ge he igê i rarona na apanena iata na raraha iana o Sebuluni: i Jokone, i Karata, i Timina me Nahalale henigi na bena ni go surigi hehegitigi.

³⁶I rarona na apanena iata na raraha iana o Rubeni ngaira ka têgi na hinua raha ge he igê: i Besere, i Jasa, i Ketemote me Mepata henigi na bena ni go surigi hehegitigi.

³⁸I rarona na apanena iata na raraha iana o Gata ngaira ka têgi na hinua raha ge he igê: i Ramote na hinua ni rukuha i Gileata, i Maganaimi, i Gesebone me Jasere henigi na bena ni go surigi hehegitigi.

⁴⁰Ngaira hato haku na ahemata tenia na hagosi ninuni iana o Merari ka têgi na 12 na hinua raha.

⁴¹Ngaira hato haku na raraha iana o Levi ka têgi na 48 na hinua raha henigi na bena ni go surigi hehegitigi i raroni na apaneni iata na varo ninuni hehegitigi iana o Isiraele.

⁴³Vikana na Araha ki haganahunira na Isiraelita renia na agua hagenani i bani tohe renia tangara na êvarita, hanana vi haganahunira renia. Matena ga parênia hato, ngaira ka ogasia.

⁴⁴Na Araha ki katora ka oga igê na marapeha suria na agua hagenani iata, manga i bani surua vikana tangara na êvarita. Na merongata hato ki bara ngavê vige urapusira, suria na Araha ki katora na Isiraelita ka teharira na merongata hato.

⁴⁵Na Araha ki hagamonarigi na ara ni suruha hato iana tangara na Isiraelita.