Read Kahua 1 JOANE 1 Bible Online

1 JOANE 1 - Kahua bible

1 JOANE 1

¹Igami kami sege tangagamu renia na Tamasinga na mêriha, i bani goga me tenia na haganegana. Igami kami bani rongoa, ma kami bani bâsia, renigi na maamami maremami. I monari, igami kami bani bâsia, ma kami bani hataria renigi na rimamami maremami.

²Igami kami bâsia na mauriha ngekana, matena i vora me. Tahema igami kami tamasi renia, ma kami hagarongogamu renia na mêriha mora ma tarema, i oga henia God Vaemana, ma ki vora i pasimami.

³Igami kami bani bâsia, megami kami bani rongoa, ma kami hagarongogamu renia nikâ, hanana vi gamu hakunigami, suria igami ka na kariaterua na Vaemana mo Jesu Kirisito, o Karena.

⁴Tahema igami kami segea na tarana ngekê tangagamu, hanana i hagamanava obamami ngavê.

⁵Hoi, na tamasinga, mi rongoa tenia o Jesu Kirisito, ma kami hagarongogamu renia kani ikê: God ki na marara, ma na roto hono ki mareha i pasina. Mareha vê!

⁶Tahema, manga vi igia, ma ka visigia mareka, vi na kariana God, matena igia ka mauri igê na roto hono, igia ka hagaparu, ma ki pe oto na parongaka.

⁷Ma ki manga igia, ma ka mauri igê na marara, tagenana manga God i oga igê na marara, igia ka hetakuiheri, ma na gapuna o Jesu, o Karena, ki hagamagahurugi râ na ara ni tasi iaka.

⁸Manga vi igia, ma ka visia, vi na tasi ki mareha igê na aitangihaka, igia ka hagaparugia mareka, ma ka pe nahunia na monariha iana God.

⁹Ma ki manga igia, ma ka visigi mataha na tasi iaka tanga God, ngaia ki bonotenigi na tasi iaka, ma ki hagamagahurugi râ na ara ni tasi iaka. Igia ka girara ga hagêguritogo renia God, suria ngaia ki hagamonaria tare na tamasinga iana, ma na parongana ki koro ma ki oto tare.

¹⁰Manga vi igia, ma ka visia, vi i asa iaka, vi ge tasi, igia ka haritohea God, ma ka mareha vi ge paronga suria na tamasinga iana.