Read Kahua 2 JOANE 1 Bible Online

2 JOANE 1 - Kahua bible

2 JOANE 1

¹Inê, na meraha, kê segea na leta ikê tangago, Hehene koro, ma tangara na karemu. Inê kê takuigamu monari. Ma ki mareha vi inê geteê ma kani ve takuigamu, ma na enoni hato nikâ hete, ga girara na monariha, ngaira ka takuigamu nogata,

²renia na monariha, ki oga henigia igê na aitangihaka ma ki page goga henigia tare ma tarema.

³God Vaemana mo Jesu Kirisito, o Karena, karu vategia na hetamaniha, na takiha, ma na marapeha. Na tarani ngegana ke goga i pasika, igia na enoni, ga tongesuria na monariha, ma ka hetakuiheri.

⁴Inê kê vagevage bâraha i obaku, suria gê rongoa, vi tani na kariamu ka paronga suria na monariha, surigi na ramata, God i bani vategia renigi.

⁵Hoita, inê kê visia tangago. Hehene koro: hanana ge hetakuiheri, igia hato. I mareha vi na ramata haoru, kani gê sege tangago renia ngekê. Ngaia ki na ramata, go bani rongoa hete, matena go têa moramora igê na tongesuriha.

⁶Na hetakuiha ki manga ikê: i tuguhigia, viga marupegi na ramata iana God. Na ramata, go bani rongoa, matena go têa moramora igê na tongesuriha, ki manga ikê: mu hetakuiheri, igamu hato.

⁷I maveta ka rako na enoni, ga hagahagaparu. Na enoni ngegana ka pe tongesuria, vi o Jesu Kirisito ki vora enoni. Ngaira nga ka na enoni, ga hagahagaparu. Ngaira nga ka na Merongana o Kirisito.

⁸Hoita, bâsigamu, hanana siana kamu tagara purua ma, ma kamu tavoa hagenani hete na memi koro.

⁹Manga ta na enoni, ma ki mareha vi ge râ suria na hagesuringa iana o Kirisito, ma ki râ pania, ngaia ki pe obahaku henia God. Ma na enoni, i arâ suria na hagesuringa iana o Kirisito, ngaia ki oga igê na obahahaku henirerua God Vaemana mo Karena.

¹⁰Matena ta na enoni ki atata me i pasimi, ma ki pe merâ me na hagesuringa ngekana, siana kamu unia banu me i ruma iami. Ma siana nikâ kamu tamasi bâkoro tanga.

¹¹Renia manga na enoni, ma ki tamasi bâkoro tanga, ngaia ki voravora renia na tamana igê na bagatarihana.

¹²Ga gâga rako mêngagi na marâ, gê obania, vi ve hagarongogamu renigi, ma kê takusia, vi i pe koro, vigê segegi so igê na leta. Inê be vatugigamu hete, ma be megamutamasi inê mareku, hanana igia ka page vagevage teha ngavê i obaka.

¹³Na karena Keogamu koro ka hagamauru koro tangagamu.