Read Kahua 3 JOANE 1 Bible Online

3 JOANE 1 - Kahua bible

3 JOANE 1

¹Inê, na meraha kê sege tangago, Gaio koro. Inê kê takuigo monari.

²Tamaku koro, inê kê obania, vi na ara ni marâ ki arâ koro tangago, ma ko apeapekoro. Inê kê bani girara, na ataromu ki mauri bâkoro.

³I koro era na apeku, bevoana tani na kariaka ka ata me nikâ, ma ka hagarongoê renigo, vi igo ko mauri koro tare suria na monariha.

⁴I korokoro era na apeku i na ara ni bevoana, gê rongoa, vi na kariaku ka mauri suria na monariha.

⁵Tamaku koro, i koro era na parongamu i na ara ni bevoana, go tamanira na kariaku, henaka vi ngaira ka na enoni mahuara tangago.

⁶Ngaira nogata ka bani hagarongoa na haku na enoni kirisitiano ngekê renigo, go takuira bâraha. I koro, ko tamanira igê na râha iata, manga hanana i marisita na enoni, ga tagara tanga God.

⁷Ngaira ka râ, hanana ga tagara tanga o Kirisito, ma ka pe tavoa ta na marâ tenira na enoni, ga pe tongesuria o Kirisito.

⁸Tahema i tuguhigia, igia na enoni kirisitiano, vi ga tamanira na mane ngegana, hanana igia ka tamanira igê na tagaraha iata tanga na monariha.

⁹Inê kê bani segea na kere leta tanga na haku na enoni kirisitiano i pasimu. Mo Tioterepesi ki usi, vi ge tê viteaku, suria ngaia ki obania bâraha, vi araha iata.

¹⁰Hoita, matena gê arâ me, inê kê page hagarongora na enoni hato renia na parongana o Tioterepesi. Ngaia ki torahuriê bâraha, ma ki visiê bâraha! Ma nikâ ngaia marena ki usi, vi ge unira banu me na kariaka, ma nikâ ngaia ki manimanira na enoni getera, ga obania, vi ga unira banu me, ma ki paira tenia na haku na enoni kirisitiano.

¹¹Tamaku koro, siana ko amaka suria na parongata na enoni era, ma ko amaka suria hete na parongata na enoni koro. Na enoni, i paronga koro ma ki ototo, ngaia ki na karena God. Ma na enoni, i pe paronga koro ma ki pe ototo, ngaia ki pe aitangisia noga God ma ki pe bani bâsia noga.

¹²Na enoni hato ka visia o Temeterio vi na mane koro, ma na parongana ki hagatanga monari renia. Megami nikâ kami visia mataha, vi ngaia ki na mane koro, ma igo ko girara, vi igami kami vi monari.

¹³Ga gâga rako mêngagi na marâ, gê obania, vi ve hagarongogo renigi, ma kê pe obania vi ve segegi so igê na leta.

¹⁴Ma ki koro ma. I mareha vi ge arihu ma inê kê page bâsigo, ma kê megotamasi, inê mareku.

¹⁵Marapeha henigo! Na tamamu hato ikê ka visia, “Mauru koro” tangago. Visia “Mauru koro” tangara na tamaka hato, tanga na ara ni hitangita.