Read Kalam 1 Tesalonaika 3 Bible Online

1 Tesalonaika 3 - Kalam bible

1 Tesalonaika 3

¹Pen nimbip am niŋun aŋgiy, kasek amemb rek ma ayek, nimbip simb niŋiy, chirmiŋay miñmon Atens mindiy, mam Timotiy bi Gor woŋg giy, Krays minim aŋgñirep gip anup, aŋgyokor nak. Pen nup aŋgruk, “Jiysis gosimb ak niŋiy aŋgip rek gipay ak, kuyip timey gispay. Nand am kiy yip mindiy, aŋgñirep gey, mindrep giniŋgiy.

³Yikop ak, Gor nup kirginiŋgambay rek ayip aŋgruk.” Pen nimb niŋbim: biynimb Jiysis minim ma dipay gok, chinup timey gipay kun ak, giniŋgambay aŋgak rek nep gipay.

⁴Pen nimb yip mindiy, kisen chinup timey giniŋgambay aŋgnuk ak, nimb key niŋbim.

⁵Kun gipay kun ak niŋiy, bi timey Seytan gek, minim kosyam aŋgñen niŋbik ak kirginimimb rek ayek niŋiy, Timotiy nup aŋgen am nimbip aŋgñirep giy awak. Timotiy Andkind Apiy Mindrep Gipay Aŋgak

⁶Pen nimbip am niŋiy apiy aŋgip, “Gor nup gosimb niŋiy, biynimb gok kuyip wasemb ay, niripmiŋay miñmiñ yimb gipay. Nirmiŋay par akniy mindiy, kuyip simb niŋbiyr rek, kiy pen miñmon kiyk okok mindiy, niripmiŋay simb niŋbay aŋgip.”

⁷Pen biynimb Jiysis nup gosimb ma niŋbay gok, chinup timey giniŋg gey mindrep ma ginuk ñin ak, Timotiy apiy, nimb Gor yip jimñiy mindpim minim ak aŋgek, chinup mindmaŋgiy lim gip.

⁸Gor nup per kun ak rek chiŋgiy mindeniŋgambim, tep yimb gakniŋ nep mindoniŋgambun.

⁹Mindrep gipim kun ak Gor nup tep aŋgyiŋg, miñmiñ yimb gipun.

¹⁰Tip am nimbip niŋiy aŋgrep gon, mindrep yimb ginimimb aŋgiy, Gor nup pumbnamb kisyimken aŋgniŋ mindpun.

¹¹Kun ak Gor apiymiŋay chinup kinjeŋ yomer, mindpim ak ninjun.

¹²Biyomb chin ak nimbip gos tep yimb ñek, nimbip wasemb yimb aypun rek, nimb key penpen wasemb ay, biynimb okok kuyip wasemb ay ginimimb.

¹³Nimbip kond mindiy, kond mind dand amiy, enjol suŋ-tep nuk gok diy andkind winiŋgamb ñin ak niŋek, biynimb suŋ-tep, minim ma mindip gok nep mindenimimb.