Read Kalanga Kutangisa 36 Bible Online

Kutangisa 36 - Kalanga bible

Kutangisa 36

¹Aba ndibo bana ba Esau wakabe edang'wa Edomu.

²Esau wakalobola bakadzi be Tjikanana, Ada nkololokadzi wa Eloni we Nhiti na Oholibama nkololokadzi wa Ana mwana we mwana wa Zibeyoni we Nhivi,

³na Bhasemati nkololokadzi wa Ishimaele hazwadzi ya Nebayoti.

⁴Ada kazwala Elifazi, Bhasemati kazwala Rewueli,

⁵Oholibama kazwala Jeushi na Jalamu na Kora. Aba ndibo bakabe bali bakololo ba Esau bakazwaligwa mu Kanana.

⁶Esau katola bakadzi babe ne bakololo ne bakololokadzi babe na bose be nsha uwe kose ne ng'ombe dzidze ne zwimwe zwithuwo zwizwe zose, katola thundu iye yose yaakashaba mu Kanana kayenda ku shango ikule kudwa pa nnung'una uwe Jakubo.

⁷Thundu dzabo dzakabe dzawanda kwazo kwabasingake bakagala bose, shango yabakabe bali muili yakabe yamanikana ngekwe zwithuwo zwabo.

⁸Ndizo Esau (Edomu) kanogala mu shango ye matombo ye Seiri.

⁹Ezwi ndizo zwizekugwana zwa Esau batategulu be Baedomu mu shango ye matombo ye Seiri.

¹⁰Awa ndiwo mazina e bakololo ba Esau: Elifazi mwana wa Ada nkadzi wa Esau na Rewueli mwana wa Bhasemati nkadzi wa Esau.

¹¹Bakololo ba Elifazi ndi Temani na Omari na Zefo na Gatamu na Kenazi.

¹²Elifazi nkololo wa Esau wakabe ana mmwe nkadzi edang'wa kuyi Timina ngono iye kanzwalila Amaleki. Ibaba ndibo bana be bana ba Ada nkadzi wa Esau.

¹³Bakololo ba Rewueli ndi Nahati na Zera na Shama na Miza. Ibaba ndibo bana be bana ba Bhasemati nkadzi wa Esau.

¹⁴Bakololo ba Esau be nkadzi uwe Oholibama nkololokadzi wa Ana mwana wa Zibeyoni ndi Jeushi na Jalamu na Kora.

¹⁵Aba ndibo bakabe bali boshe pakati kwe zwizekugwana zwa Esau, bakololo ba Elifazi mbano ya Esau, Temani na Omari na Zefo na Kenazi

¹⁶na Kora na Gatamu na Amaleki. Ibaba ndibo boshe bakazwagwa ndi Elifazi mu Edomu bali bana be bana ba Ada.

¹⁷Bakololo ba Rewueli nkololo wa Esau ndi boshe Nahati na Zera na Shama na Miza. Ibaba ndi boshe bakazwagwa ndi Rewueli mu Edomu. Bakabe bali bana be bana ba Bhasemati nkadzi wa Esau.

¹⁸Bakololo ba Esau ne nkadzi uwe Oholibama ndi boshe Jeushi na Jalamu na Kora. Ibaba ndi boshe bakazwagwa ndi Esau ne nkadzi uwe Oholibama nkololokadzi wa Ana.

¹⁹Ibaba ndibo bakololo ba Esau (Edomu) na boshe babo.

²⁰Aba bakabe bali bakololo ba Seiri we Nhori, bakabe begala mu ntuthu iwoyu: Lotani na Shobali na Zibeyoni na Ana

²¹na Dishoni na Ezeri na Dishani. Bakololo ibaba ba Seiri mu Edomu bakabe bali boshe be Bahori.

²²Bakololo ba Lotani ndi Hori na Hemani. Timina wakabe ali hazwadzi ya Lotani.

²³Bakololo ba Shobali ndi Alivani na Manahati na Ebali na Shefo na Onami.

²⁴Bakololo ba Zibeyoni ndi Aiya na Ana. Ana iwoyu ndiye wakawana misenya ye vula inopisa mu tjilambanyika akalisa madonki a tate babe Zibeyoni.

²⁵Bana ba Ana ndi Dishoni na Oholibama nkololokadzi wa Ana.

²⁶Bana ba Dishoni ndi Hemidani na Eshibhani na Itirani na Kerani.

²⁷Bakololo ba Ezeri ndi Bhilihani na Zaavani na Akani.

²⁸Bakololo ba Dishani ndi Uzi na Arani.

²⁹Boshe be Bahori bakabe bali bo Lotani na Shobali na Zibeyoni na Ana

³⁰na Dishoni na Ezeri na Dishani. Ndibo ibaba bakabe bali boshe be Bahori kuyenda nge migathu yabo mu shango ye Seiri.

³¹Bomambo bakabusa mu Edomu kusathu kukabe ne mambo we Iziraela wakabusa ndi aba:

³²Bhela nkololo wa Bheori wakabe mambo we Edomu. Nzi uwe nkulu wakabe udang'wa kuyi Dinihaba.

³³Bhela wakati efa, Jobabu nkololo wa Zera we ku Bhozira kabe mambo.

³⁴Jobabu kati efa bumambo gukatogwa ndi Hushamu we shango ye Batemani.

³⁵Hushamu kati efa bumambo gukatogwa ndi Hadadi nkololo wa Bhedadi iye wakati kakunda Midiyani ku shango ye Moabu. Nzi uwe nkulu wakabe udang'wa kuyi Aviti.

³⁶Hadadi kati efa, Samila we Masireka kabe mambo.

³⁷Samila kati efa Shaulo we Rehoboti ku gwizi gwe Yufuratesi kabe mambo.

³⁸Shaulo kati efa Bhaalehanani nkololo wa Akibo kabe mambo.

³⁹Bhaalehanani nkololo wa Akibo kati efa Hadadi kabe mambo. Nzi uwe nkulu wakabe udang'wa Pau, zina le nkadzi uwe liyi Mehetabele ali nkololokadzi wa Matiredi nkololokadzi wa Mezahabu.

⁴⁰Awa mazina a boshe bakazwagwa ndi Esau kuyenda ne misha yabo ne mituthu yabo: Timina na Aliva na Jeteti

⁴¹na Oholibama na Ela na Pinoni

⁴²na Kenazi na Temani na Mibitsari

⁴³na Magidieli na Iramu. Ibaba ndibo bakabe bali boshe be Edomu kuyenda nge mituthu yabo mu shango yabakabe bali gele. Esau ndiye batategulu be Baedomu.