Read Kalanga 1 Zwiyitikalo 2 Bible Online

1 Zwiyitikalo 2 - Kalanga bible

1 Zwiyitikalo 2

¹Aba ndibo bakololo ba Iziraela: Rubheni na Simiyoni na Levi na Juda na Isakari na Zebuluni

²na Dani na Josefa na Bhenjamini na Nafutali na Gadi na Asheri.

³Bakololo ba Juda bakabe bali bo Eri na Onani na Shela, butatu gwabo bakabe bazwagwa ne nkadzi we Nkanana ali nkololokadzi wa Shua. Mbano ya Juda Eri, wakabe ali mbiimbi kwazo mbeli kwa Yahwe ngono bakambulaya.

⁴Nlongo uwe Tama kan'wanila Perezi na Zera. Ndizo Juda kabe ne bakololo bali bashanu.

⁵Bakololo ba Perezi bakabe bali bo Hezironi na Hamuli.

⁶Bakololo ba Zera bakabe bali bo Zimiri na Ethani na Hemani na Khalikholi na Dara bose bose bakabe bali bashanu.

⁷Bakololo ba Khami bakabe bali bo Akhari[3] wakazhisa phipiti mu Iziraela ngotola zwimwe zwija zwabakabe badwiwa kuti basizwitole zwakabe zwapiwa Ndzimu.

⁸Etani nkololo uwe wakabe ali Azariya.

⁹Bakololo ba Hezironi bakabe bali bo Jerahemele na Rama na Khelubai.

¹⁰Rama wakabe ali tate ba Aminadabu, Aminadabu iye ali tate ba Nahishoni ntungamili we bathu be Juda.

¹¹Nahishoni wakabe ali tate ba Salima na Salima ali tate ba Bhoazi,

¹²Bhoazi wakabe ali tate ba Obedi, Obedi ali tate ba Jesi.

¹³Jesi wakabe ali tate ba Eliyabu, Eliyabu wakabe ali iye mbano, thobeledzi iye ali Abinadabu thobeledzi iye ali Shimeya,

¹⁴thobeledzi iye ali Nethanele thobeledzi iye ali Radayi,

¹⁵thobeledzi iye ali Ozemu kologwe ili Dafite.

¹⁶Hazwadzi dzabo dzakabe dzili bo Zeruya na Abigali. Zeruya wakabe ne bakololo bali batatu Abishayi na Joabu na Asahele.

¹⁷Abigali iye kazwala Amasa tate babe bali Jetheri we N'shimaeli.

¹⁸Khalebu nkololo wa Hezironi kalobola Azuba ngono bakawana nkololokadzi edang'wa Jerioti, bakololo babe ibo bakabe bali bo Jesheri na Shobabu na Aridoni.

¹⁹Kwakati Azuba asinofa Khalebu kalobola Efurati iye kanzwalila Huri.

²⁰Huri wakabe ali tate ba Uri, Uri ali tate ba Bhezaleli.

²¹Shule kwa ipapo Hezironi wakati abe makole ali makumi ali matathatu (60) kalobola nkololokadzi wa Makhiri tate ba Giliyadi ngono bakazwala Segubu.

²²Segubu iye wakabe ali tate ba Jairi. Jairi wakabe ana mizi mikulu ili makumi mabili ana ili mitatu (23) mu shango ye Giliyadi.

²³Koga Geshuri na Aramu bakatapa Havoti Jairi ne Kenati ne mizana yawo ili makumi ali matathatu (60). Bose ibaba bakabe bali zwizekugwana zwa Makhiri tate ba Giliyadi.

²⁴Kwakati shule kwe lufu gwa Hezironi, Khalebu kawalilana na Efurati nkadzi wa tate babe ngono iye kanzwalila nkololo edang'wa Ashuri tate ba Tekowa.

²⁵Bakololo ba Jerahemele wakabe ali mbano ya Hezironi bakabe bali bo Rama, Rama ali mbano kutobeledza Bhuna na Oreni na Ozemu na Ahija.

²⁶Jerahemele wakabe ana mmwe nkadzi zina lile kuyi Atara. Atara wakabe ali mme ba Onami.

²⁷Bakololo ba Rama mbano ya Jerahemele bakabe bali bo Maazi na Jamini na Ekeri.

²⁸Bakololo ba Onami bakabe bali bo Shamai na Jada. Bakololo ba Shamai bakabe bali bo Nadabu na Abishuri.

²⁹Nkadzi wa Abishuri wakabe ali Abihaile ngono iye kanzwalila Ahabhani na Molidi.

³⁰Bakololo ba Nadabu bakabe bali bo Seledi na Afaimu ngono Seledi kafa asina mwana.

³¹Nkololo wa Afaimu wakabe ali Ishi. Nkololo wa Ishi wakabe ali Sheshani. Nkololo wa Sheshani wakabe ali Ahalai.

³²Bakololo ba Jada hama ya Shamai wakabe ana bakololo bali babili Jetheri na Jonatani koga Jetheri kafa asina bana.

³³Bakololo ba Jonatani bakabe bali bo Peleti na Zaza. Bose ibaba bakabe bali zwizekugwana zwa Jerahemele.

³⁴Sheshani wakabe ana bakololokadzi koga asina bakololo ngono kabe ana nlandalume we N'egipiti edang'wa Jariha.

³⁵Ndizo Sheshani kalobodza nkololokadzi uwe nlanda uwe Jariha ibo bakawana nkololo edang'wa Atai.

³⁶Atai kazwala Nathani, Nathani kazwala Zabadi,

³⁷Zabadi kazwala Efelali, Efelali kazwala Obedi,

³⁸Obedi kazwala Jehu, Jehu kazwala Azariya,

³⁹Azariya kazwala Helezi, Helezi kazwala Eleasa,

⁴⁰Eleasa kazwala Sisimai, Sisimai kazwala Shalumu,

⁴¹Shalumu kazwala Jekamiya, Jekamiya kazwala Elishama.

⁴²Bakololo ba Khalebu nnung'una wa Jerahemele kwakabe kuli Mesha ali mbano, Mesha wakabe ali tate ba Zifi, thobeledzi ya Mesha wakabe ali Mareshahi, Mareshahi ali tate ba Heburoni.

⁴³Bakololo ba Heburoni bakabe bali bo Kora na Tapuwa na Rekemu na Shema.

⁴⁴Shema wakabe ali tate ba Rahamu, Rahamu ali tate ba Jokeamu. Rekemu wakabe ali tate ba Shamai.

⁴⁵Shamai wakabe ali tate ba Maoni, Maoni iye ali tate ba Bhetizuri.

⁴⁶Khalebu wakabe ana mmwe nkadzi edang'wa Efa, Efa wakabe ali mme ba Harani na Moza na Gazezi. Harani wakabe ali tate ba Gazezi.

⁴⁷Bakololo ba Jahadayi bakabe bali bo Regemu na Jothamu na Geshani na Peleti na Efa na Shaafa.

⁴⁸Khalebu wakabe ana mmwe nkadzi edang'wa Maaka. Maaka wakabe ali mme ba Sheberi na Tirihana

⁴⁹na Shaafa, Shaafa ali tate ba Madimana na Sheva, Sheva ali tate ba Makibhena na Gibiya. Khalebu wakabe ana nkololokadzi edang'wa Akasa.

⁵⁰Bose ibaba bakabe bali zwizekugwana zwa Khalebu. Huri wakabe ali iye mbano ya Khalebu ne nkadzi uwe Efurati. Shobali ndiye wakasika Kiriatijearimu,

⁵¹nkololo uwe we bubili Salima iye kasika Bhetelehema, Harefi ali we butatu iye kasika Bhetigaderi.

⁵²Zwizekugwana zwa Shobali iye bhalule le Kiriatijearimu bakabe bali bo Haroye ne gwamu le bagali be Menuhoti.

⁵³Njudzi dze Kiriatijearimu dzakabe dzili sahwoku: Ludzi gwe Baitiri ne gwe Baphuti ne gwe Bashumati ne gwe Misharayiti, mu bali kuna Bazora ne Baeshitaoli.

⁵⁴Bakololo ba Salima bakabe bali bo Bhetelehema ne bathu be Banetofa ne Atiroti Beti Joabu ne Bazori be gwamu gwe ludzi gwa Manahati.

⁵⁵Njudzi dze bakwali bakabe begala ku Jabezi bakabe bali Batiratite ne Bashimeatite ne Basukatite. Ibaba bakabe bali Bakeni bakabe bedwa ku Hamati nsholo we nsha we Barekabi.