Read Kalanga 1 Zwiyitikalo 25 Bible Online

1 Zwiyitikalo 25 - Kalanga bible

1 Zwiyitikalo 25

¹Dafite ne makulukota e nshingo bakashalula bamwe be bakololo ba Asafa neba Hemani ne muna ba Jeduthuni kuti bashinge nshingo we bulebesambeli gwakashangana ne kulidza zwilidzo zwe laya ne matende ne dzisimbali. Nlongolongo wa ibabo bakabe beshinga nenge mishingo yabo wakabe uli sahwoku:

²Kudwa mu bakololo ba Asafa kwakabe kuli Zakhuri na Josefa na Nethaniya na Asarela. Bakololo ba Asafa bakabe bakatungamigwa ndi Asafa iye wakabe elebelambeli ali pasi kwa mambo.

³Bakabe bakatungamigwa ndi Jeduthuni bakabe bali bakololo ba iye Jeduthuni bo Gedaliya na Zeri na Jeshaya na Shimeyi na Hashabiya na Mathitiya bose bose bali tathatu nge mbalo. Jeduthuni wakabe elebelambeli nge zwilidzo zwe laya mu kuboka nemu kukudza Yahwe.

⁴Kudwa muna bakabe bakatungamigwa ndi Hemani kwakabe kuli bakololo babe bo Bhukiya na Mataniya na Uziele na Shebuweli na Jerimoti na Hananiya na Hanani na Eliyathahi na Gidaliti na Romamitiezeri na Joshibekashahi na Malothi na Hothiri na Mahaziothi.

⁵Bose ibaba bakabe bali bakololo ba Hemani we nlebesambeli nkulu wa mambo, Ndzimu wakabe wapa Hemani bakololo bali gumi lina banna ne bakololokadzi bali batatu sekwa wakabe wagadzabgwe kuti ndizo Hemani akudziwe.

⁶Bose bakabe bali pasi kwe butungamili gwa tate babo mu zwilidzo zwe dzisimbali ne matende ne zwe laya zwe Ng'umba ye Ndzimu. Ngono Asafa na Jeduthuni na Hemani bakabe bali pasi kwe butungamili gwa mambo.

⁷Mbalo yabo yakashangana neye zwikamu zwabo bakabe badiyigwa kumbila Yahwe na bose bakabe bana luzibo bakabe bali mazana mabili ana bali makumi ali zhanakadzi (288).

⁸Bakakandila kuti ndizo babone kuti nshingo upi unonoshingwa ndiani nkulu kene ntukunu, badiyi ne badiyiwana.

⁹Ngono dziba le kutanga lakawila nsha wa Asafa kuna Josefa, le bubili lakawila nsha wa Gedaliya, liwila iye ne bakololo babe ne zwikamu zwizwe,

¹⁰le butatu lakawila nsha wa Zakhuri, liwila bakololo babe ne zwikamu zwizwe,

¹¹le bunna lakawila nsha wa Iziri, liwila bakololo babe ne zwikamu zwizwe,

¹²le bushanu lakawila nsha wa Nethaniya, liwila bakololo babe ne zwikamu zwizwe,

¹³le butathatu lakawila nsha wa Bhukiya, liwila bakololo babe ne zwikamu zwizwe,

¹⁴le butendeka lakawila nsha wa Jesharela, liwila bakololo babe ne zwikamu zwizwe,

¹⁵le buzhanakadzi lakawila nsha wa Jeshaya, liwila bakololo babe ne zwikamu zwizwe,

¹⁶le buzhanalume lakawila nsha wa Mataniya liwila bakololo babe ne zwikamu zwizwe,

¹⁷le bugumi lakawila nsha wa Shimeyi liwila bakololo babe ne zwikamu zwizwe,

¹⁸le bugumi lina ling'ompela (11) lakawila nsha wa Azarele, liwila bakololo babe ne zwikamu zwizwe,

¹⁹le bugumi lina mabili (12) lakawila nsha wa Hashabiya, liwila bakololo babe ne zwikamu zwizwe,

²⁰le bugumi lina matatu lakawila nsha wa Shebuweli, liwila bakololo babe ne zwikamu zwizwe,

²¹le bugumi lina manna (14) lakawila nsha wa Mathitiya, liwila bakololo babe ne zwikamu zwizwe,

²²le bugumi li mashanu lakawila nsha wa Jerimoti, liwila bakololo babe ne zwikamu zwizwe,

²³le bugumi le matathatu lakawila Hananiya, liwila bakololo babe ne zwikamu zwizwe,

²⁴le bugumi lina butendeka (17) lakawila nsha wa Joshibekashahi, liwila bakololo babe ne zwikamu zwizwe,

²⁵le bugumi lina zhanakadzi (18) lakawila nsha wa Hanani, liwila bakololo babe ne zwikamu zwizwe,

²⁶le bugumi lina zhanalume (19) lakawila nsha wa Malothi, liwila bakololo babe ne zwikamu zwizwe,

²⁷le bumakumi mabili (20) lakawila Eliyathahi, liwila bakololo babe ne zwikamu zwizwe,

²⁸le makumi mabili ana ling'ompela (21) lakawila Hothiri, liwila bakololo babe ne zwikamu zwizwe,

²⁹le makumi mabili ana mabili (22) lakawila nsha wa Gidaliti, liwila bakololo babe ne zwikamu zwizwe,

³⁰le makumi mabili ana matatu (23) lakawila nsha wa Mahaziothi, liwila bakololo babe ne zwikamu zwizwe,

³¹le makumi mabili ana manna (24) lakawila nsha wa Romamitiezeri, liwila bakololo babe ne zwikamu zwizwe.