Read Kalanga 1 Zwiyitikalo 26 Bible Online

1 Zwiyitikalo 26 - Kalanga bible

1 Zwiyitikalo 26

¹Balindi be mikoba bakathubukanyiwa sahwoku: Kudwa mu Bakora kwakabe kuli Meshelemiya nkololo wa Kore ali mmwe we bakololo ba Asafa.

²Bakololo ba Meshelemiya bakabe bali bo Zekariya ali mbano na Jediale ali we bubili na Zebadiya ali we butatu na Jathiniele ali we bunna,

³na Elamu ali we bushanu na Jehohanani ali we butathatu na Elihoenayi ali we butendeka.

⁴Bakololo ba Obediedomu bakabe bali bo Shemaya ali mbano na Jehozabadi ali we bubili na Joahi ali we butatu na Sakhari ali we bunna na Nethanele ali we bushanu,

⁵na Amiele ali we butathatu na Isakari ali we butendeka na Pheulethai ali we buzhanakadzi, Ndzimu wakabe wakombolela Obediedomu.

⁶Nkololo wa Obediedomu Shemaya wakabe ana bakololo bakabe be busa mu nsha wa tate babo ngobe bakabe bali balume banotubula.

⁷Bakololo babe bakabe bali bo Othini na Refaeli na Obedi na Elizabadi, zwikamu zwizwe Elihu na Shemakiya bakabe bali banotubula bo.

⁸Bose ibaba bakabe bali zwizekugwana zwa Obediedomu ne bakololo babo ne zwikamu zwabo, balume bakabe betubula bakazwilizanila bose bose bakabe bali makumi ali tathatu ana babili (62) e bana ba Obediedomu.

⁹Meshelemiya wakabe ana bakololo ne zwikamu bakabe betubula bose bose bakabe bali gumi lina bali zhanakadzi (18).

¹⁰Hosa we ludzi gwa Merari wakabe ana bakololo bo Shimiri ali we kutanga nenguba akabe asi mbano tate babe bakambiga kuti abe we kutanga.

¹¹Hilikiya wakabe ali we bubili na Tebaliya ali we butatu na Zekariya ali we bunna. Bakololo ne zwikamu zwa Hosa, bose bose bakabe bali gumi lina batatu (13).

¹²Balindi be mikoba bakabe bakathubukanyiwa nge makupo kuyendidzana nge batungamili babo, ngono bakabe bakalingisana nge kushingila Ng'umba ya Yahwe koga se zwikamu zwabo zwakabe zwithama.

¹³Mu nkoba mmwe ne mmwe bakakandila kuyenda nge misha bahwola ne batjetjana.

¹⁴Madziba eku nkoba we bhezhuba akawila Shelemiya. Ngono kudwapo hakata dzikaposiwa kukandigwa nkololo uwe Zekariya wakabe ana butjenjedu ngono dziba lile likabe lilakidza nkoba we ku bunadzwa.

¹⁵Dziba le ku burwa likawila Obediedomu ngono dziba le ku matula likawila bakololo babe.

¹⁶Dziba le nkoba we golombedzo ne le Shaleketi ku zila inotathila lakawila Shupimu na Hosa. Nlindi akalingisana ne mmwe nlindi.

¹⁷Kudwa ku bhezhuba kwakabe kuna Balevi bali tathatu, ku bunandzwa kwakabe kwakabigwa bali banna zhuba ne zhuba, ku ntha ye burwa kwakabe kwakabigwa bali banna zhuba ne zhuba, pa nkoba we matula kuna bali babili.

¹⁸Ku ndzibo we tjibata tjiku golombedzo kwakabe kuna bali banna kuyendila ku zila ne bali babili ku tjibata nge kwatjo.

¹⁹Ndiko balindi be mikoba sekwa bakabe bakathubukanyiwa ibo bakabe bedwa mu zwizekugwana zwa Kora ne zwa Merari.

²⁰Zwimwe zwikamu zwabo zwe Balevi zwakabe zwakalingisana ne zwe matula e Ng'umba ye Ndzimu ne zwakapiwa Ndzimu,[10]

²¹bakabe bali bakololo ba Ladani bakabe bali Bagerishoni, misholo ye misha ya Ladani we Geshoni bakabe bali bo Jehieli,

²²bakololo ba Jehieli bakabe bali Zethamu ne nnung'una uwe Jowele. Ndibo bakabe bakalingisana nge matula e Ng'umba ya Yahwe.

²³Zwizekugwana zwe Baamuramu ne zwe Baizhari ne zwe Baheburoni ne zwe Bauziele zwakabe zwakalingisanabo ne nshingo iwoyu.

²⁴Shebuweli tjizekugwana tja Gerishomi ali nkololo wa Mushe wakabe ali iye ntungamili we zwe matula.

²⁵Banunguna ba Gerishomi ku ludzi gwa Eliezeri kwakabe kuli nkololo uwe Rihabiya ne nkololo uwe Jeshaya na Joramu nkololo uwe na Zikiri nkololo uwe na Shelomiti.

²⁶Shelomiti ne banung'una babe bakabe bakalingisana nge matula wose e zwipo zwakadusiwa ndi Dafite mambo ne zwakadusiwa ne misholo ye misha ne balauli be babhayani.

²⁷Bakatola zwimwe zwe zwithu zwabakatapa mu ngwa ngono bakazwipa kuti zwishingisiwe kumusa Ng'umba ye Ndzimu.

²⁸Shelomiti ne be nsha uwe bakabe bakalingisana nge tjimwe ne tjimwe tjakabe tjadusigwa kushingisiwa mu Ng'umba ye Ndzimu kushangana nge zwipo zwakabe zwazhisiwa ndi Samuele we nlebesambeli na Mambo Saulo na Abineri nkololo wa Neri ne zwa Joabu nkololo wa Zeruya.

²⁹Kudwa mu zwizekugwana zwa Izhari, Khenaniya ne bakololo babe bakabe bapiwa mishingo ikuzhe kwe ye Ng'umba ye Ndzimu bakabigwa kube makulukota ne basumikilisi mu Iziraela.

³⁰Kudwa mu zwizekugwana zwa Heburoni na Hashabiya ne banung'una babo bakabe bali tjiwulu tjina mazana ali kutendeka (1 700) bose ibaba bali balume banotubula bakalingisana nge zwe Iziraela golombedzo kwe gwizi gwe Jorodani kuyendisa nshingo wa Yahwe ne zwe nshingo wa mambo.

³¹Jeriya wakabe ali ntungamili we zwizekugwana zwa Heburoni. Mu gole be bumakumi manna la Mambo Dafite kukathamiwa shakisiso ngekwe ndongoloso ye zwizekugwana zwa Heburoni ne bamwe be balume bakasima bakabe bali be nsha iwoyu bakabe begala ku Jazeri mu ntuthu we Giliyadi.

³²Mambo Dafite wakashalula zwikamu zwizwe zwili zwiwulu zwili zwibili zwina mazana ali makumi ili kutendeka (2 700) kutungamila ntuthu we Rubheni ne we Gadi ne we gwamu le ludzi gwa Manase ngono kababiga kuti balingisane nge zwithu zose zwe Ndzimu ne zwa mambo.