Read Kalanga 1 Zwiyitikalo 27 Bible Online

1 Zwiyitikalo 27 - Kalanga bible

1 Zwiyitikalo 27

¹Eyi i ndongoloso ye misholo ye misha ye Iziraela ne misholo ye dzikhuta ne makulukota akabe eshinga ali pasi kwa mambo muna zwe bushe. Mu mwedzi mmwe ne mmwe mu gole kwakabe kushinga zolo le gupo le balume bali zwiwulu zwili makumi mabili ana bali banna (24 000).

²Jeshobimu nkololo wa Zabidiyeli wakabe akalingisana ne gupo le kutanga mu mwedzi we kutanga, mu gupo lile bakabe bali zwiwulu zwili makumi mabili ana bali banna (24 000).

³Wakabe ali tjizekugwana tja Perezi kakale ali nlauli we batungamili bose be babhayani mu mwedzi we kutanga.

⁴Ntungamili we babhayani we bubili mu mwedzi we bubili wakabe ali Dodai we N'ahohi, mu gupo lile bakabe bali zwiwulu zwili makumi mabili ana bali banna (24 000).

⁵Ntungamili we babhayani we mwedzi we butatu wakabe ali Bhenaya nkololo wa Jehoyada we mpirisiti, ndiye wakabe ali nlauli, mu gupo lile bakabe bali zwiwulu zwili makumi mabili ana bali banna (24 000).

⁶Bhenaya iwoyu wakabe ali gombalume le balume bali makumi matatu (30), nkololo uwe Amizabadi wakabe ali iye nlauli we gupo ileli.

⁷Ntungamili we babhayani we bunna mu mwedzi we bunna wakabe ali Asaheli hama ya Joabu itobegwa ndi Zebasiya, mu gupo lile bakabe bali zwiwulu zwili makumi mabili ana bali banna (24 000).

⁸Ntungamili we babhayani we bushanu we mwedzi we bushanu wakabe ali Shamuhuti we N'izirati, mu gupo lile bakabe bali zwiwulu zwili makumi mabili ana bali banna (24 000).

⁹Ntungamili we babhayani we butathatu mu mwedzi we butathatu wakabe Ira nkololo wa Ikeshi we N'tekowa, mu gupo lile bakabe bali zwiwulu zwili makumi mabili ana bali banna (24 000).

¹⁰Ntungamili we babhayani we butendeka mu mwedzi we butendeka wakabe ali Helezi we ku Peloni mmwe we bakololo ba Ifureimi, mu gupo lile bakabe bali zwiwulu zwili makumi mabili ana bali banna (24 000).

¹¹Ntungamili we babhayani we buzhanakadzi mu mwedzi we buzhanakadzi wakabe ali Sibhekayi we Hushahi ali N'zerahi, mu gupo lile bakabe bali zwiwulu zwili makumi mabili ana bali banna (24 000).

¹²Ntungamili we babhayani we buzhanalume mu mwedzi we buzhanalume wakabe ali Abiezeri we Anatoti ali N'bhenjamini, mu gupo lile bakabe bali zwiwulu zwili makumi mabili ana bali banna (24 000).

¹³Ntungamili we babhayani we bugumi mu mwedzi we bugumi wakabe ali Maharayi we Netofa ali N'zerahi, mu gupo lile bakabe bali zwiwulu zwili makumi mabili ana bali banna (24 000).

¹⁴Ntungamili we babhayani we bugumi lina kung'ompela le mwedzi we bugumi lina nng'ompela wakabe ali Bhenaya we Piratoni ali mmwe we bakololo ba Ifureimi, mu gupo lile bakabe bali zwiwulu zwili makumi mabili ana bali banna (24 000).

¹⁵Ntungamili we babhayani we bugumi lina babili le mwedzi we gumi lina mibili wakabe ali Helidayi we Netofati edwa mu nsha we Othiniyeli, mu gupo lile bakabe bali zwiwulu zwili makumi mabili ana bali banna (24 000).

¹⁶Eyi ndiyo ndongoloso ye buyendisi gwe njudzi dze bathu be Iziraela: Mu ludzi gwa Rubheni kwakabe kuli Eliezeri nkololo wa Zikiri, muna gwe Basimiyoni kwakabe kuli Shefatiya nkololo wa Maaka,

¹⁷muna gwa Levi kwakabe kuli Hashabiya nkololo wa Kemuele, muna gwa Aroni kwakabe kuli Zadoki,

¹⁸muna gwa Juda kwakabe kuli Elihu, mmwe we hama dza Mambo Dafite, muna gwa Isakari Omuri nkololo wa Mikaele,

¹⁹muna gwa Zebuluni kwakabe kuli Ishamaiya nkololo wa Obadiya, muna gwa Nafutali kwakabe kuli Jerimoti nkololo wa Aziriele,

²⁰muna gwa Ifureimi kwakabe kuli Hosheya nkololo wa Azaziya, mu gwamu gwa Manase kwakabe kuli Jowele nkololo wa Pedaya,

²¹mu gwamu gwa Manase mu Giliyadi kwakabe kuli Ido nkololo wa Zekariya, muna gwa Bhenjamini kwakabe kuli Jasiele nkololo wa Abineri

²²muna gwa Dani kwakabe kuli Azarele nkololo wa Jerohamu. Ibaba bakabe bali batungamili be njudzi dze Iziraela.

²³Dafite azobala balume bakabe bana makole apasi kwe ali makumi mabili (20) ngoti Yahwe bakabe bagadzabgwe kuti banowowatsha bathu be Iziraela bakabe banji se nyenyedzi dze zhuzhugwi.

²⁴Joabu nkololo wa Zeruya wakatangisa kubabala ngono kasipedze koga ngekwe kubala bathu ikoko bushongola gwe Ndzimu gwawila Baiziraela ne mbalo yakatogwa ikasikwagwe mu hwalo dze zwiyitikalo zwa Dafite.

²⁵Eyi i ndongoloso ye bathu bakabe bakalingisana ne kuyendisa thundu dze bushe: Kwakabe kuli Azimaveti nkololo wa Adiele, wakabe akalingisana ne matula e shango ne matula e mizi mikulu ne matula e mizi ne thungamakole kwakabe kuli Jonatani nkololo wa Uziya.

²⁶Wakabe akatungamila bakabe beshinga mu minda kwakabe kuli Eziri nkololo wa Khelubu.

²⁷Wakabe akatungamila minda dze zhambi kwakabe kuli Shimeyi edwa ku Rama, wakabe akalingisana ne hali dze nkumbi we zhambi kwakabe kuli Zabidi edwa ku Shefamu.

²⁸Wakabe akalingisana ne zwe miti ye mitoba neye mipaya ku tjibata kwakabe kuli Bhalehanani edwa ku Gederi, matula e mafuta e mitoba kwakabe kuli Joashi.

²⁹Wakabe akalingisana ne danga liku Sharoni kwakabe kuli Shitirayi edwa ku Sharoni, danga liku mikuku kwakabe kuli Shafati nkololo wa Adilayi.

³⁰Kamela dzakabe dzakalingisana na Obili we N'ishamaeli, madonki akabe akalingisana na Jedaya we N'meronoti Pkhwizi ne mbudzi zwakabe zwakalingisana na Jazizi we N'hagiri.

³¹Bose ibaba bakabe bali batjengeti be thundu dza Mambo Dafite.

³²Jonatani basekulu ba Dafite wakabe ali nkumbuludzi kakale ali nkwalili. Iye na Jehiele nkololo wa Hakimoni bakabe bali ibo batjengeti be bakololo ba mambo.

³³Ahithofele wakabe ali nkumbuludzi wa mambo. Hushayi we N'ariki wakabe ali nkwinya wa mambo.

³⁴Ahithofeli wakabe etobegwa ndi Jehoyada nkololo wa Bhenaya kube kuti Abiathari. Joabu wakabe ali nlauli we babhayani be bushe.