Read Kalanga 1 Zwiyitikalo 4 Bible Online

1 Zwiyitikalo 4 - Kalanga bible

1 Zwiyitikalo 4

¹Bakololo ba Juda bakabe bali bo Perezi na Hezironi na Khami na Huri na Shobali.

²Shobali wakabe ali tate ba Reya, Reya ali tate ba Jahati, Jahati ali tate ba Ahumayi na Lehadi. Ibaba bakabe bali be ludzi gwe Bazora.

³Aba bakabe bali bakololo ba Etamu, ibo bakabe bali bo Jezirele na Ishima na Idibashi. Hazwadzi yabo wakabe ali Hazeleliponi.

⁴Penuele wakabe ali tate ba Gedori, Ezeri ali tate ba Hushahi. Ibaba bakabe bali zwizekugwana zwa Huri mbano ya Efurati iye wakasika Bhetelehema.

⁵Ashuhuri iye wakasika nzi we Tekowa wakabe ana bakadzi babili Hela na Naara.

⁶Naara kazwala Ahuzamu na Heferi na Temeni na Haahashitari. Ibaba bose bakololo ba Naara.

⁷Bakololo ba Hela bakabe bali bo Zereti na Izhari na Etinani.

⁸Kozi wakabe ali tate ba Anubu na Zobeba ne njudzi dze nkololo wa Harumi.

⁹Kwakabe kuna nlume wakabe etolegwa pezhugwi muna bakanyi kukwe kuyi Jabezi. Mmeyabe bakabe bampa zina beti Jabezi bedwa kuti bakantshibama bali mu zwibhayo zwikulu.

¹⁰Jabezi wakalila ku Ndzimu we Iziraela eti, “Ungati munga ndikombolela mukatalabudza ntuthu wangu! Ibeni nami, mundibakilile mu mbatsha kuti ndizo ndisibe mu tjimwe tjinga ndihwisa zogwadza.” Ngono Ndzimu ukampa tjaakabe ekumbila.

¹¹Khelubu nnung'una wa Shuha wakabe ali tate ba Mehiri, Mehiri ali tate ba Eshitoni.

¹²Eshitoni wakabe ali tate babo Bheti Rafa na Phaseya na Tehina, Tehina ali tate ba Iri Nahashi. Ibaba bakabe bali balume be ku Reka.

¹³Bakololo ba Kenazi bakabe bali bo Othiniyeli na Seraya. Bakololo ba Othiniyeli bakabe bali bo Hathathi na Meonothai.

¹⁴Meonothai wakabe ali tate ba Ofira na Seraya, Seraya ali tate ba Joabu bhalule le Geharashimu, iyo yakabe idang'wa kuyi nkuku we bunyambi ngoti bathu bako bali nyambi dze kubezha.

¹⁵Khalebu nkololo wa Jefune wakabe ana bakololo bali batatu Iru na Ela na Naamu. Ela wakabe ali tate ba Kenazi.

¹⁶Jehalele wakabe ana bakololo bali banna Zifu na Zifa na Tiriya na Asarele.

¹⁷Bakololo ba Eziraha bakabe bali bo Jetheri na Meredi na Eferi na Jaloni. Meredi kalobola Bithiya nkololokadzi we Egipiti ngono bakazwala nkololokadzi Miriamu, Miriamu kawana bakololo babili Shamai na Ishibha tate ba Eshitemoa.

¹⁸Nkadzi we Njuta wa Meredi wakazwala Jaredi tate ba Gedori na Heberi tate ba Soko na Jekuthiele tate ba Zanowa. Ibaba bali bana be nkololokadzi wa Faro Bhitiya wakalobogwa ndi Meredi.

¹⁹Bakololo be nkadzi wa Hodiya hazwadzi ya Nahamu bakabe bali tate ba Keila we ludzi gwe N'gama na Eshitemoa we ludzi gwe Maakati.

²⁰Bakololo ba Shimoni bakabe bali bo Amunoni na Rina na Bheni Hanani na Tiloni. Zwizekugwana zwa Ishi bakabe bali bo Zoheti na Bheni Zoheti.

²¹Bakololo ba Shela, Shela ali nkololo wa Juda bakabe bali bo Eri tate ba Leka na Lada tate ba Mareshahi be ludzi gwe baluki be matyila ku Bheti Ashibeya,

²²na Jokimu ne balume beku Kozeba na Joashi na Sarafu iye wakabusa shango ye Moabu ngono kabgwilila ku shango ye Lehemu. Thawu idzedzi ngedza ntolo tjose.

²³Ibaba bakabe bali babumbi be hali begala ku Netaimu neku Gedera, bakabe begalako beshingila mambo.

²⁴Simiyoni wakabe ana bakololo bali bashanu. Bakabe bali bo Nemueli na Jamini na Jaribu na Zera na Shaulo.

²⁵Nkololo wa Shaulo wakabe ali Shalumu, Shalumu iye kazwala Mibisamu, Mibisamu iye kazwala Mishima.

²⁶Zwizekugwana zwa Mishima bakabe bali bo Hamuele, Hamuele kazwala Zakhuri, Zakhuri iye kazwala Shimeyi.

²⁷Shimeyi iye kazwala bakololo bali gumi lina bali tathatu ne bakololokadzi bali tathatu koga banung'una babe ibo bakabe basina bana ndizo nsha wose ukasibe ne bathu banjinji sewe bathu be Juda.

²⁸Zwizekugwana zwa Simiyoni zwakabe zwigala mu mizi ye Bheerisheba ne Molada neye Hazarishuali

²⁹neye Bhiliha neye Ezemu neye Toladi,

³⁰neye Bhethuwele neye Horima neye Zikilagi,

³¹neye Bheti Marikaboti neye Hazari Susimi neye Bheti Bhiri ne Shaaraimu.

³²Mimwe ye mizi mishanu yabakabe begala yakabe ili Etamu ne Aini ne Rimoni ne Tokheni ne Ashani,

³³ne mizi yakapoteleka kunoti ku Bhaale. Iyeyi yakabe ili mizi yabo ngono bakabiganya nge nkwalo njudzi dzabo.

³⁴Misholo ye njudzi dzabo bakabe bali bo Meshobabu na Jamileki na Joshahi nkololo wa Amaziya

³⁵na Jowele na Jehu, Jehu ali nkololo wa Joshibiya, Joshibiya ali nkololo wa Seraya, Seraya ali nkololo wa Asiele

³⁶na Eliyonayi na Jaakuba na Jeshohaya na Asaya na Adiele na Jesimiele na Bhenaya na Ziza,

³⁷Ziza ali nkololo wa Shifi, Shifi ali nkololo wa Aloni tjizekugwana tja Jedaya ba Shimiri na Shemaya.

³⁸Bose ibaba balebgwa bakabe bali misholo ye misha yabo. Misha yabo yakakula ikawanda kwazo,

³⁹bakatendebukila ku golombedzo pejo ne Gedori, bakabe beshakila pkhwizi ne mbudzi dzabo mafulo ku bhezhuba kwe nkuku.

⁴⁰Ikoko bakawana mafulo akanaka ne shango yakazhuka ina mbakiso ne kunyalala, bagali bayo bekutanga bakabe bali bathu be Hamu.

⁴¹Ngono ibaba bakakwagwa nge mazina bakayendako mu misi ya Hezekiya mambo we Juda, bakaswika bekolomola mishasha yabo kose neye Bameuni bakabe begalabo ko. Bakabatatila kutjena tjatjose ngono bakagala mu shango yabo ngoti yakabe ina fulo le pkhwizi ne mbudzi dzabo.

⁴²Mazana ali mashanu e balume ibaba be Basimiyoni bakabe bakatungamigwa ndi Pelatiya na Neriya na Refaya na Uziele ne bakololo ba Ishi, ibo bakanonginilila shango ye matombo ye Seiri.

⁴³Bakabulaya malimbelimbe e Baamaleki bakabe bapudzumuka ngono bakagala ikoko na nasi.