Read Kalanga 1 Zwiyitikalo 6 Bible Online

1 Zwiyitikalo 6 - Kalanga bible

1 Zwiyitikalo 6

¹Levi wakabe ana bakololo bali batatu. Ibo bakabe bali bo Geshoni na Kohati na Merari.

²Bakololo ba Kohati bakabe bali bo Amuramu na Izhari na Heburoni na Uziele.

³Bana ba Amuramu bakabe bali bo Aroni na Mushe na Miriamu. Bana ba Aroni bakabe bali bo Nadabi na Abihu na Eleazari na Ithamari.

⁴Eleazari wakabe ali tate ba Finihasi, Finihasi ali tate ba Abishuwa,

⁵Abishuwa ali tate ba Bhuki, Bhuki ali tate ba Uzi,

⁶Uzi ali tate ba Zeraya, Zeraya ali tate ba Meraoti,

⁷Meraoti ali tate ba Amariya, Amariya ali tate ba Ahitubu,

⁸Ahitubu ali tate ba Zadoki, Zadoki ali tate ba Ahimazi,

⁹Ahimazi ali tate ba Azariya, Azariya ali tate ba Johanani,

¹⁰Johanani ali tate ba Azariya (ndiye wakabe eshinga ali mpirisiti mu Ng'umba ye Ndzimu yakabakwa ndi Solomoni ku Jerusalema).

¹¹Azariya wakabe ali tate ba Amariya, Amariya ali tate ba Ahitubu,

¹²Ahitubu ali tate ba Zadoki, Zadoki ali tate ba Shalumu,

¹³Shalumu ali tate ba Hilikiya, Hilikiya ali tate ba Azariya,

¹⁴Azariya ali tate ba Seraya, Seraya ali tate ba Jehozadaki.

¹⁵Jehozadaki iye wakatapiwa ndi Nebukadineza tjibaka Yahwe tjabakathama kuti Juda ne Jerusalema dzitapiwe.

¹⁶Levi wakabe ana bakololo bali batatu. Ibo bakabe bali bo Geshoni na Kohati na Merari.

¹⁷Awa ndiwo mazina e bakololo ba Geshoni: Libini na Shimeyi.

¹⁸Bakololo ba Kohati bakabe bali bo Amuramu na Izhari na Heburoni na Uziele.

¹⁹Bakololo ba Merari ndi Mahili na Mushi. Idzedzi njudzi dze Balevi nge kulongoloka kwa botate babo.

²⁰Ludzi gwa Geshoni gwakabe guna nkololo uwe Libini, Libini kazwala Jehati, Jehati kazwala Zima,

²¹Zima kazwala Jowa, Jowa kazwala Ido, Ido kazwala Zera, Zera kazwala Jeatherayi.

²²Zwizekugwana zwa Kohati zwakabe zwili bo Aminadabu, Aminadabu kazwala Kora, Kora kazwala Asiri,

²³Asiri kazwala Elikana, Elikana kazwala Ebiasafu, Ebiasafu kazwala Asiri,

²⁴Asiri kazwala Tahati, Tahati kazwala Urieli, Urieli kazwala Uziya, Uziya kazwala Shaulo.

²⁵Zwizekugwana zwa Elikana zwakabe zwili bo Amasayi na Ahimoti,

²⁶Ahimoti kazwala Elikana, Elikana kazwala Zofayi, Zofayi kazwala Nahati,

²⁷Nahati kazwala Eliabu, Eliabu kazwala Jerohamu, Jerohamu kazwala Elikana, Elikana kazwala Samuele.

²⁸Bakololo ba Samuele bakabe bali bo Jowele ali mbano na Abija ali thobeledzi iye.

²⁹Zwizekugwana zwa Merari bakabe bali bo Mahili, Mahili kazwala Libini, Libini kazwala Shimeyi, Shimeyi kazwala Uza,

³⁰Uza kazwala Shimeya, Shimeya kazwala Hagiya, Hagiya kazwala Asaya.

³¹Aba ndibo bakabigwa ndi Dafite kuti babe ibo bakabhata kuna zwe zwilidzo mu Ng'umba ya Yahwe shule Bhokisi le Tjidumano latjidzikama ko.

³²Bakabe beshinga lidza njimbo mbeli kwe bugalo gwe Ndzimu iko mbeli kwe nshasha we bushanganilo kudzina Solomoni abaka Ng'umba ya Yahwe mu Jerusalema. Bakabe belidza kuyendidzana ne sekwa bakabe balayiwa.

³³Aba ndibo balume bakabe beshinga nenge bakololo babo: Kudwa mu ludzi gwa Kohati bakabe bali bo Hemani, nyambi ye mba ne nkololo wa Jowele, Jowele ali nkololo wa Samuele,

³⁴Samuele ali nkololo wa Elikana, Elikana ali nkololo wa Jerohamu, Jerohamu ali nkololo wa Elieli, Elieli ali nkololo wa Towa,

³⁵Towa ali nkololo wa Zufu, Zufu ali nkololo wa Elikana, Elikana ali nkololo wa Mahati, Mahati ali nkololo wa Amasayi,

³⁶Amasayi ali nkololo wa Elikana, Elikana nkololo wa Jowele, Jowele ali nkololo wa Azariya, Azariya ali nkololo wa Zefaniya,

³⁷Zefaniya ali nkololo wa Tahati, Tahati ali nkololo wa Asiri, Asiri ali nkololo wa Ebiasafu, Ebiasafu ali nkololo wa Kora,

³⁸Kora ali nkololo wa Izhari, Izhari ali nkololo wa Kohati, Kohati ali nkololo wa Levi, Levi ali nkololo wa Iziraela.

³⁹Asafa wakabe ali mbhatshi wa Hemani ibo ludzi gwabo gwabe guli sahwoku: Asafa nkololo wa Bherekiya, Bherekiya ali nkololo wa Shimeya,

⁴⁰Shimeya ali nkololo wa Mikaele, Mikaele ali nkololo wa Bhaseya, Bhaseya ali nkololo wa Malikija,

⁴¹Malikija ali nkololo wa Etini, Etini ali nkololo wa Zera, Zera ali nkololo wa Adaya,

⁴²Adaya ali nkololo wa Ethani, Ethani ali nkololo wa Zima, Zima ali nkololo wa Shimeyi,

⁴³Shimeyi ali nkololo wa Jahati, Jahati ali nkololo Geshoni, Geshoni ali nkololo wa Levi.

⁴⁴Kudwa mu bashingi nabo kwakabe kuli ludzi gwa Merari bakabe bali babhatshi bakabe bali bo: Ethani nkololo wa Kishi, Kishi ali nkololo wa Abidi, Abidi ali nkololo wa Maluki,

⁴⁵Maluki ali nkololo wa Hashabiya, Hashabiya ali nkololo wa Amaziya, Amaziya ali nkololo wa Hilikiya,

⁴⁶Hilikiya ali nkololo wa Amuzi, Amuzi ali nkololo wa Bani, Bani ali nkololo wa Shemeri,

⁴⁷Shemeri ali nkololo wa Mahili, Mahili ali nkololo wa Mushi, Mushi ali nkololo wa Marari, Marari ali nkololo wa Levi.

⁴⁸Hama dzabo dze Balevi bakapiwa mishingo yose ye bugalo gwe Ndzimu gwe Ng'umba ye Ndzimu.

⁴⁹Koga Aroni ne zwizekugwana zwizwe ndibo bakabe bezhisa zwibhayilo mu tjibeso tjinopisigwa zwibhayilo zwinopisiwa ne mu tjibeso tjinopisigwa motsha beshinga mishingo yose ye Bugalo gwakayengemala kupindisa kakale bethama gadzanyo na Yahwe sekwakaleba Mushe nlanda we Ndzimu.

⁵⁰Aba ndibo bakololo ba Aroni, Eleazari, Eleazari nkololo uwe wakabe ali Finihasi, Finihasi nkololo uwe ali Abishuwa,

⁵¹Abishuwa nkololo uwe ali Bhuki, Bhuki nkololo uwe ali Uzi, Uzi nkololo uwe ali Zeraya,

⁵²Zeraya nkololo uwe ali Meraoti, Meraoti nkololo uwe ali Amariya, Amariya nkololo uwe ali Ahitubu,

⁵³Ahitubu nkololo uwe ali Zadoki, Zadoki nkololo uwe ali Ahimazi.

⁵⁴Iyawa ndiwo magalo abo ne sekwa bakabe bazwithubukanya nge migathu yabo: Zwizekugwana zwa Aroni zwe ludzi gwa Kohati. Ibo bakapiwa kutanga ngoti hakata dzakatendeka ibo kutanga.

⁵⁵Bakapiwa Heburoni mu shango ye Juda ne mafulo ayo aka ipoteleka,

⁵⁶koga minda ye nzi nkulu ne mizana yawo yakabe ili pasi kwe nzi nkulu yakapiwa Khalebu nkololo wa Jefune.

⁵⁷Ndizo zwizekugwana zwa Aroni zwakapiwa Heburoni nzi we dizhilo, ne Libina ne Jatiri ne Eshitemoa

⁵⁸ne Hileni ne Dibiri

⁵⁹ne Ashani ne Bhetishemeshi ne mafulilo e mizi iyeyo.

⁶⁰Kudwa mu ludzi gwa Bhenjamini ibo bakapiwa Geba ne Alemeti ne Anatoti kose ne mafulilo e mizi iyeyo. Mizi yose yakakobanyiwa ludzi gwe Kohati yakabe ili gumi lina mitatu (13) yose yose.

⁶¹Bamwe bose be ludzi gwa Kohati bakakobegwa mizi ili gumi mu mizi ye gwamu le ludzi gwa Manase.

⁶²Zwizekugwana zwa Geshoni, kuyenda nge ludzi zwakakobegwa mizi ili gumi ina ili mitatu (13) kudwa mu ludzi gwa Isakari na Asheri na Nafutali ne mu ludzi gwa Manase guku Bhashani.

⁶³Zwizekugwana zwa Merari kuyenda nge ludzi zwakakobegwa mizi ili gumi lina mibili (12) kudwa mu ludzi gwa Rubheni negwa Gadi negwa Zebuluni.

⁶⁴Bathu be Iziraela bakakobela Balevi mizi iyeyi ne mafulilo ayo.

⁶⁵Mu ludzi gwa Juda negwa Simiyoni negwa Bhenjamini bakakobegwa ngoposa hakata.

⁶⁶Bamwe be misha ye bakololo ba Kohati bakapiwa mizi kudwa mu ludzi gwa Ifureimi.

⁶⁷Mu shango ye matombo ye Ifureimi bakapiwa Shekemu nzi nkulu we matizhilo ne Gezeri

⁶⁸ne Jokimeamu ne Bhetihoroni

⁶⁹ne Aijaloni ne Gatirimoni kose ne mafulilo e mizi iyeyi.

⁷⁰Kudwa mu gwamu le ludzi gwa Manase bakabe bapiwa nzi we Aneri ne mafulilo awo ne Bileyamu ne mafulilo awo kose ikoku kwakapiwa bose be misha ye Bakohati.

⁷¹Be ludzi gwa Geshomu ibo bakapiwa mu gwamu le ludzi gwa Manase sahwoku: Bakapiwa nzi we Golani mu Bhashani ne Ashitaroti kose ne mafulilo e mizi iyeyo.

⁷²Kudwa mu ludzi gwa Isakari bakapiwa mizi ye Kedeshi ne Daberati,

⁷³ne Ramoti ne Anemu kose ne mafulilo e mizi iyeyo.

⁷⁴Kudwa mu ludzi gwa Asheri bakapiwa mizi ye Mashali ne Abedoni,

⁷⁵Hukoku ne Rehobu kose ne mafulilo e mizi iyeyi.

⁷⁶Kudwa mu ludzi gwa Nafutali bakapiwa mizi ye Kedeshi mu Galili ne Hamoni ne Kiriyathayimu kose ne mafulilo e mizi iyeyo.

⁷⁷Bathu be Merari bakapiwa mizi ye Jokineamu ne Karita ne Rimono ne Tabori kose ne mafulilo e mizi iyeyi kudwa mu ludzi gwa Zebuluni.

⁷⁸Kudwa mu ludzi gwa Rubheni seli kwe Jorodani ku Bhezhuba kwe Jerikho bakapiwa nzi we Bhezera umu tjilambanyika ne nzi we Jahaza,

⁷⁹newe Kedemoti ne Mefaati kose ne mafulilo e mizi iyeyi.

⁸⁰Kudwa mu ludzi gwa Gadi bakapiwa mizi ye Ramoti mu Giliyadi ne Mahanayimi,

⁸¹ne Heshibhoni ne Jazeri kose ne mafulilo e mizi iyeyo.