Read Kalanga Ezera 2 Bible Online

Ezera 2 - Kalanga bible

Ezera 2

¹Aba ndibo bathu be ntuthu bakabuya bedwa mu busungwa bakabe batogwa ndi Nebukadineza mambo we Bhabhiloni ebatapila ku Bhabhiloni, bakabgwilila ku Jerusalema ne Juda, mmwe ne mmwe eyenda ku nzi wakanyi kwabo.

²Mukubgwilila kwabo kwakabe kuli Zerubhabeli na Jeshuwa na Nehemiya na Seraya na Reelaya na Modekayi na Bhilishana na Misipa na Bhigivayi na Rehumu na Bhaana. Mbalo ye balume be Iziraela yakabe ili sahwoku:

³Ludzi gwa Paroshi, bakabe bali zwiwulu zwili zwibili ne zana ling'ompela lina makumi ali kutendeka ana babili (2 172),

⁴be ludzi gwa Shefatiya bakabe bali mazana matatu ana makumi ali kutendeka ana babili (372).

⁵Be ludzi gwa Ara bakabe bali mazana ali kutendeka ana makumi ali kutendeka ana bashanu (775).

⁶Be ludzi gwa Pahatimoabu, bali be lutshinga gwa Jeshuwa na Joabu, bakabe bali zwiwulu zwibili ne mazana ali zhanakadzi ana gumi lina babili (2 812),

⁷be ludzi gwa Elamu bakabe bali tjiwulu tjing'ompela ne mazana mabili ana makumi mashanu ana banna (1 254).

⁸Ludzi gwa Zatu igo gwakabe guli mazana ali zhanalume ana makumi manna ana bashanu (945),

⁹ludzi gwa Zakhayi igo gwakabe guli mazana ali kutendeka ana makumi ali tathatu (760).

¹⁰Ludzi gwa Bhani gwakabe guli mazana ali tathatu ana makumi manna ana babili (642).

¹¹Ludzi gwa Bhebayi gwakabe guli mazana ali tathatu ana makumi mabili ana batatu (623).

¹²Be ludzi gwa Azagadi bakabe bali tjiwulu tjing'ompela ne mazana mabili ana makumi mabili ana babili (1 222).

¹³Be ludzi gwa Adonikamu bakabe bali mazana ali tathatu ne makumi ali tathatu ana bali tathatu (666).

¹⁴Be ludzi gwa Bhigivayi bakabe bali zwiwulu zwibili ne makumi mashanu ana bali tathatu (2 056).

¹⁵Be ludzi gwa Adini bakabe bali mazana manna ana makumi ali mashanu ana banna (454).

¹⁶Be ludzi gwa Atere wa Hezekiya bakabe bali makumi ali zhanalume ana bali zhanakadzi (98).

¹⁷Be ludzi gwa Bhezayi bakabe bali mazana matatu ana makumi mabili ana batatu (323).

¹⁸Be ludzi gwa Jora bakabe bali zana ling'ompela lina gumi lina babili (112),

¹⁹be ludzi gwa Hashumu bakabe bali mazana mabili ana makumi mabili ana batatu (223).

²⁰Be ludzi gwa Gibha bakabe bali makumi ali zhanalume ana bashanu (95).

²¹Bathu be Bhetelehema bakabe bali zana ling'ompela lina makumi mabili ana batatu (123).

²²Balume be Netofa bakabe bali makumi mashanu ana bali tathatu (56).

²³Be Anatoti bakabe bali zana ling'ompela lina makumi ali mabili ana bali zhanakadzi (128).

²⁴Be Azimaveti bali makumi ali manna ana babili (42).

²⁵Be Khiriyatarimu, Kefira ne Bheeroti bali mazana ali kutendeka ana makumi manna ana batatu (743).

²⁶Be Rama ne Geba bali mazana ali tathatu ana makumi ali mabili ana nng'ompela (621).

²⁷Bathu be Mikimashi bali zana ling'ompela lina makumi mabili ana babili (122).

²⁸Be Bhetele ne Ai bali mazana mabili ana makumi mabili ana batatu (223).

²⁹Be Nebo bali makumi mashanu ana babili (52).

³⁰Be Magabhishi bali zana ling'ompela lina makumi mashanu ana bali tathatu (156).

³¹Be ludzi gwa Elamu mmwe bakabe bali tjiwulu tjing'ompela ne mazana mabili ana makumi mashanu ana banna (1 254).

³²Ba Harimu bali mazana matatu ana makumi mabili (320).

³³Be Lodi, Hadidi ne Ono bali mazana ali kutendeka ana makumi mabili ana bashanu (725).

³⁴Be Jerikho bali mazana matatu ana makumi manna ana bashanu (345).

³⁵Ba Senaa bakabe bali zwiwulu zwili zwitatu ne mazana ali tathatu ana makumi ali matatu (3 630).

³⁶Bapirisiti: Bakololo ba Jedaya be nsha wa Jeshuwa bali mazana ali zhanalume ana makumi ali kutendeka ana batatu (973).

³⁷Bakololo ba Imeri bali tjiwulu tjing'ompela ne makumi mashanu ana babili (1 052).

³⁸Bakololo ba Phashuri bakabe bali tjiwulu tjing'ompela ne mazana ali mabili ana makumi manna ana bali kutendeka (1 247).

³⁹Bakololo ba Harimu bakabe bali tjiwulu tjing'ompela ne gumi lina bali kutendeka (1 017).

⁴⁰Ludzi gwe Balevi: Bakololo ba Jeshuwa na Kadimiyele, bakololo ba Hodaviya bali makumi ali kutendeka ana banna (74).

⁴¹Bambi: Bakololo ba Asafa bali zana ling'ompela lina makumi mabili ana bali zhanakadzi (128).

⁴²Bakololo be balisi be mikoba: Bakololo ba Shalumu, bakololo ba Atere, bakololo ba Talimoni, bakololo ba Akubu, bakololo ba Hatita, ne bakololo ba Shobayi bose bose bakabe bali zana lina makumi matatu ana bali zhanalume (139).

⁴³Bashingi be Ng'umba ye Ndzimu: bakololo ba Ziha ne bakololo ba Hasufa ne bakololo ba Tabhaoti

⁴⁴ne bakololo ba Kerosi ne bakololo ba Siyaha ne bakololo ba Padoni

⁴⁵ne bakololo ba Lebhana ne bakololo ba Hagaba ne bakololo ba Akubu

⁴⁶ne bakololo ba Hagabu ne bakololo ba Shamalayi ne bakololo ba Hanani

⁴⁷ne bakololo ba Gideli ne bakololo ba Gahara ne bakololo ba Reya

⁴⁸ne bakololo ba Rezini ne bakololo ba Nekoda ne bakololo ba Gazamu

⁴⁹ne bakololo ba Uza ne bakololo ba Phaseya ne bakololo ba Bhesayi

⁵⁰ne bakololo ba Asina ne Bameuni ne bakololo ba Nefisimi

⁵¹ne bakololo ba Bhakibuku ne bakololo ba Hakufa ne bakololo ba Harihuri

⁵²ne bakololo ba Baziluti ne bakololo ba Mehida ne bakololo ba Harisha

⁵³ne bakololo ba Bharikose ne bakololo ba Sisera ne bakololo ba Temaha

⁵⁴ne bakololo ba Neziya na Hatifa.

⁵⁵Bakololo be balanda ba Solomoni: Bakololo ba Sotayi ne bakololo ba Hasofereta ne bakololo ba Peruda

⁵⁶ne bakololo ba Jaala ne bakololo ba Dakoni ne bakololo ba Gideli

⁵⁷ne bakololo ba Shefatiya ne bakololo ba Hatili ne bakololo be Pokeretehazebayimu ne bakololo ba Ami.

⁵⁸Mbalo yose ye bashingi be Ng'umba ye Ndzimu neye bakololo be balanda ba Solomoni, bakabuya kutapiwa yakabe ili mazana matatu ana makumi ali zhanalume ana babili (392).

⁵⁹Aba ndibo bakabuya bedwa ku Telemela ne Telehasha ne kherubhu, Adani ne Imeri, ngono ibo abazotubula kulakidza ha bali bamwe be Iziraela:

⁶⁰Bakololo ba Delaya ne bakololo ba Tobiya ne bakololo ba Nekoda, bakabe bali mazana ali tathatu ana makumi mashanu ana babili (652).

⁶¹Bakololo bamwe be bapirisiti: Bakololo ba Habhaya ne bakololo ba Hakozi ne bakololo ba Bharizilai, wakabe akalobola mmwe we bakololokadzi ba Bharizilai we N'giliyadi ndizo ngono bakadang'wa nge zina ilelo.

⁶²Ibaba abazowana zwilakidzo zwinolakidza mazwago a bobatategulu babo. Se basakatubula kulakidza zwilakidzo zwa bobatategulu babo, abazoamutjigwa mu bupirisiti bakatogwa se bakatemapala.

⁶³Nlauli wakababudza kuti abangaje zojiwa zwakayengemala kuswikilila kube ne mpirisiti ungashingisa Urimu ne Thumimu.[1]

⁶⁴Mbalo yose ye bathu bakabuya kutapiwa yakabe ili zwiwulu zwili makumi manna ana kubili ne mazana ali matatu ana makumi ali tathatu (42 360),

⁶⁵kuzhe kwe balandalume babo ne balandakadzi babo bali zwiwulu zwili kutendeka ne mazana ali matatu ana makumi ali matatu ana bali kutendeka (7 337) kakale bakabe bana bambi be tjikadzi ne be tjilume bali mazana mabili (200).

⁶⁶Bakabe bana mbizi dzili mazana ali kutendeka ana makumi matatu ana dzili tathatu (736) ne mowulo dzili mazana mabili ana makumi ali manna ana dzili shanu (245).

⁶⁷Kamela dzili mazana manna ana makumi matatu ana dzili shanu (435) ne madonki ali zwiwulu zwili tathatu ne mazana ali kutendeka ana makumi ali mabili (6 720).

⁶⁸Bakati koga beswika ku Ng'umba ya Yahwe mu Jerusalema, mimwe misholo ye misha ikadusa zwipo zwe moyo ntjena kuti zwibhatshe mu kumusa Ng'umba ye Ndzimu payakabe ilipo ntolo.

⁶⁹Kuyenda nge tubula kwabo bakadusila dula le nshingo iwoyu zwipo zwe tjilizanyo tje seme dzili mazana mashanu (500) e golide ne tjilizanyo tje seme dzili zwiwulu zwibili ne mazana ali zhanakadzi (2 800) dze siliva ne hazu dze bapirisiti dzili zana ling'ompela (100).

⁷⁰Bapirisiti ne Balevi ne bambi ne balisi be mikoba ne bashingi be Ng'umba ye Ndzimu bakagala mu mizi yabo ne bamwe bathu ne Baiziraela bose bakagala mu mizi yabo.