Read Kalanga Nehemiya 11 Bible Online

Nehemiya 11 - Kalanga bible

Nehemiya 11

¹Batugamili be bathu bakabe begala ku Jerusalema, ndizo bathu bekokandila kuti batole nsha ng'ompela muna ili gumi kuti banogala ku Jerusalema nzi nkulu wakayengemala, ha bali zhanalume ibo besala mu mizi mimwe.

²Bathu bakalumbidza kwazo bathu bakabe bazwidigwa kugala ku Jerusalema.

³Ibaba batungamili be mituthu bakabe begala mu Jerusalema koga mu mizi ye Juda nthu mmwe ne mmwe wakabe egala pa nsha uwe: Baiziraela ne bapirisiti ne Balevi ne bashingi be Ng'umba ye Ndzimu ne bakololo be balanda ba Solomoni.

⁴Mu Jerusalema kwakabe kugala bamwe be bakololo ba Juda ne bamwe be bakololo ba Bhenjamini. Kudwa mu ludzi gwe Bajuta kwakabe kuli: Athaya we nkololo wa Uziya, ne nkololo wa Zekariya ne nkololo wa Amariya ne nkololo wa Shefatiya ne nkololo wa Mahalaleli ne nkololo wa Perezi,

⁵na Maaseya nkololo wa Bharuku ne nkololo wa Kholihozeya, ne nkololo wa Adaya ne nkololo wa Joyaribu ne nkololo wa Zekariya ne nkololo wa Shela.

⁶Bakololo ba Perezi bakabe begala mu Jerusalema bose bose bakabe bali mazana manna ana makumi ali tathatu ana mido ili zhanakadzi (468) ye balume bakasima.

⁷Kudwa mu bakololo ba Bhenjamini kwakabe kuli: Salu nkololo wa Meshulamu ne nkololo wa Jowadi ne nkololo wa Pedaya ne nkololo wa Kolaya ne nkololo wa Maseya ne nkololo wa Itiyeli ne nkololo wa Jeshaya,

⁸bamwe bakabe banaye bakabe bali bo Gabhayi na Salayi ngono bose bose bakabe bali mazana ali zhanalume ana makumi mabili ana mido ili zhanakadzi (928).

⁹Jowele nkololo wa Zikiri wakabe ali iye nlingilili nkulu, Juda nkololo wa Hasenuwa iye wakabe entobela nge mamo.

¹⁰Kudwa mu bapirisiti kwa kabe kuli: Jedaya nkololo wa Joyaribu na Jakini,

¹¹na Seraya iye ali nkololo wa Hilikiya, ne nkololo wa Meshulamu, ne nkololo wa Zadoki ne nkololo wa Meraoti ne nkololo wa Ahitubu wakabe ali mpirisiti nkulu,

¹²ne makamu abo bakabe beshinga nshingo we Ng'umba ye Ndzimu bakabe bali balume bali mazana ali zhanakadzi ana makumi mabili ana mido mibili (822) na Adaya nkololo wa Jerohamu ne nkololo wa Pelaliya ne nkololo wa Amuzi, Amuzi ali nkololo wa Zekariya, Zekariya ali nkololo wa Pashihuri, Pashihuri ali nkololo wa Malikhiya,

¹³ne bamwe batungamili be misha, ibo bose bakabe bali mazana mabili ana makumi manna ana babili (242) ibo bali bo Amashisayi ne nkololo wa Azarele ne nkololo wa Ahezayi ne nkololo wa Meshilemoti ne nkololo wa Imeri,

¹⁴ne makamu mamwe iwo akabe ali balume bakasima bose bose bakabe bali zana ling'ompela lina makumi ali mabili ana bali zhanakadzi (128). Ntungamili wabo nkulu wakabe edang'wa Zabadiyele iye ali nkololo wa Hagedolimu.

¹⁵Kudwa mu Balevi kwakabe kuli Shemaya iye ali nkololo wa Hashubu ne nkololo wa Azirikamu ne nkololo wa Hashabiya ne nkololo wa Bhuni,

¹⁶na Shabethayi na Jozabadi batungamili be Balevi bakabe bakalingisana nge nshingo we tjakuzhe kwe Ng'umba ye Ndzimu,

¹⁷na Mataniya nkololo wa Mika, Mika iye ali nkololo wa Zabadi, Zabadi ali nkololo wa Asafa wakabe akatungamila mu kutangisa mitembezelo ye kuboka Ndzimu, ne gamu la Mataniya linoyi Bhakubhukiya, na Abada we nkololo wa Shamuya, Shamuya ali nkololo wa Galali, Galali ali nkololo wa Jeduthuni.

¹⁸Balevi bose bose bakabe bali mu nzi wakayengemala bakabe bali mazana ali mabili ana makuni ali zhanakadzi ana banna (284).

¹⁹Balingilili be mikoba yakabe ili Akubu na Talimoni ne makamu abo, bose bose bakabe bali balingilili be mikoba bakabe bali zana ling'ompela lina makumi ali kutendeka ana babili (172).

²⁰Baiziraela bamwe bakasala ne bapirisiti ne Balevi bakabe bali mu mizi yose ye Juda ngono mmwe ne mmwe ali gele pa lukata gugwe.

²¹Bashingili be Ng'umba ye Ndzimu ibo bakanogala ku Dombo le Ofele ngono Ziha na Gishipa ndibo bakabe bakalingisana nabo.

²²Nlingilili we Balevi mu Jerusalema wakabe ali Uzi, Uzi ali nkololo wa Bhani, Bhani ali nkololo wa Hashabiya, Hashabiya ali nkololo wa Mataniya, Mataniya ali nkololo wa Mika. Uzi wakabe ali we ludzi gwa Asafa iye wakabe akalingisana ne bambi mu Ng'umba ye Ndzimu.

²³Bambi bakabe bali pasi kwe ndaulo ya mambo, yakabe ili iyo inolakidza kuti nge zhuba banoshwa bathamani.

²⁴Pethahiya nkololo wa Meshezabele, Meshezabele ali nkololo wa Zera, Zera ali nkololo wa Juda iye wakabe ali mmilili we zwiyitikalo zose zwakalingisana bathu.

²⁵Bamwe bathu be Juda bakagala paminda dzabo ku Kiriyatiaribha neku Diboni neku Jekabezele

²⁶neku Jeshuwa neku Molada neku Betipeleti

²⁷neku Hazarishuali neku Bheerisheba

²⁸neku Zikilagi neku Mekona ne mizana yayo,

²⁹neku Enirimoni neku Zora neku Jarimuti

³⁰neku Zanowa neku Adulamu neku Lakhishi neku Azeka. Bakagala kudwatjose ku Bheerisheba kunoti ku nkuku we Hinomu.

³¹Bathu be Bhenjamini ibo bakagala kudwapa Geba ne kuyendila mbeli ku Mikimashi neku Aya neku Bhetele ne mizana yayo neku

³²Anatoti neku Nobu neku Ananiya

³³neku Hazori neku Rama neku Gitayimi

³⁴neku Hadidi neku Zeboyimi neku Nebalate

³⁵neku Lodi neku Ono neku nkuku unodang'wa we Baluki.

³⁶Makupo mamwe e Balevi be Juda bakanogala ku Bhenjamini.