Read Kalanga Nehemiya 7 Bible Online

Nehemiya 7 - Kalanga bible

Nehemiya 7

¹Kwakati guma lisino kumusiwa ndakalonga zwizhalilo, ndikashalula balingi be mikoba ne bambi ne Balevi,

²ndakabiga hama yangu Hanani na Hananiya nlauli we dizhilo, wakabe ali nlume una bugalimoyo bukulu kakale etja Ndzimu, kuti babe ibo balingilili be nzi nkulu Jerusalema.

³Ngono ndakabadwa ndikati, “Mikoba ye Jerusalema isitongo zhugwa kuswikila zhuba latatha. Balingilili be mikoba ha batji mu nshingo bazhalile mikoba kwazo baberabere nge tshipi. Kakale mu shalule bagali be Jerusalema kuti babe balisi be mikoba, mmwe ne mmwe abe ne paanoshingila kubapa ne mizi yabo.”

⁴Nzi nkulu wakabe wakazhuka uli nkulukulu ngono kuna bathu bashomanana, ng'umba dzakabe dzisathu dza bakwa.

⁵Ndzimu wakandithama kuti ndikubunganye bathu, banokudziwa ne balauli kuti bakwalisiwe nge misha. Ndakawana bhuka ye matshinga aibabo bakazha kutanga. Etji nditjo tjandakawana tjakakwagwa muili:

⁶Aba ndibo bathu be ntuthu bakabuya bedwa mu busungwa bakabe batogwa ndi Nebukadineza mambo we Bhabhiloni, bakashandukila ku Jerusalema ne Juda, mmwe ne mmwe ebgwilila ku nzi wakanyi kwabo.

⁷Bakazha na Zerubhabeli na Jeshuwa na Nehemiya na Azariya na Raamiya na Nahamani na Modekayi na Bhilishana na Misiphereti na Bhigivayi na Nehumu na Bhaana. Mbalo ye bathu be Iziraela yakabe ili sahwoku:

⁸Bakololo ba Paroshi bakabe bali zwiwulu zwili zwibili ne zana ling'ompela lina makumi ali kutendeka ana babili (2 172),

⁹bakololo Shefatiya bakabe bali mazana matatu ana makumi ali kutendeka ana babili (372).

¹⁰Bakololo ba Ara bakabe bali mazana ali tathatu ana makumi ali mashanu ana babili (652).

¹¹Bakololo ba Pahatimoabu bali be lutshinga gwa Jeshuwa na Joabu bakabe bali zwiwulu zwibili ne mazana ali zhanakadzi ana gumi lina zhanakadzi (2 818),

¹²bakololo ba Elamu bakabe bali tjiwulu tjing'ompela ne mazana ali mabili ana makumi mashanu ana banna (1 254).

¹³Bakololo ba Zatu ibo bakabe bali mazana ali zhanalume ana makumi manna ana bashanu (945),

¹⁴Bakololo ba Zakhayi ibo bakabe bali mazana ali kutendeka ana makumi ali tathatu (760).

¹⁵Bakololo ba Bhinuyi bakabe bali mazana ali tathatu ana makumi manna ana babili (642).

¹⁶Bakololo ba Bhebayi bakabe bali mazana ali tathatu ana makuni mabili ana zhanakadzi (628).

¹⁷Bakololo ba Azagadi bakabe bali zwiwulu zwibili zwina mazana ali matatu ana makumi mabili ana babili (2 322).

¹⁸Bakololo ba Adonikamu bakabe bali mazana ali tathatu ana makumi ali tathatu ana kutendeka (667).

¹⁹Bakololo ba Bhigivayi bakabe bali zwiwulu zwibili zwina makumi ali tathatu ana bali kutendeka (2 067).

²⁰Bakololo ba Adini bakabe bali mazana ali tathatu ana makumi mashanu ana bashanu (655).

²¹Bakololo ba Atere wa Hezekiya bakabe bali makumi ali zhanalume ana bali zhanakadzi (98).

²²Bakololo ba Hashumu bakabe bali mazana matatu ana makumi mabili ana zhanakadzi (328).

²³Bakololo ba Bhezayi bakabe bali mazana matatu ana makumi mabili ana banna (324).

²⁴Bakololo ba Harifi bakabe bali zana ling'ompela lina gumi lina babili (112).

²⁵Bakololo ba Gibiyoni bakabe bali makumi ali zhanalume ana bali bashanu (95).

²⁶Bathu be Bhetelehema ne Netofa bakabe bali zana ling'ompela lina makumi ali zhanakadzi ana bali zhanakadzi (188).

²⁷Be Anatoti bakabe bali zana ling'ompela lina makumi mabili ana bali zhanakadzi (128).

²⁸Be Betaazamavete bakabe bali makumi manna ana babili (42).

²⁹Be Kiriatijarimu ne Kefira ne Bheeroti bakabe bali mazana ali kutendeka ana bali makumi manna ana batatu (743).

³⁰Be Rama ne Geba bakabe bali mazana ali tathatu ana makumi mabili ana ali nng'ompela (621).

³¹Be Mikimashi bakabe bali zana ling'ompela lina makumi mabili ana babili (122).

³²Be Bhetele ne Ai bakabe bali zana ling'ompela lina makumi ali mabili ana bali batatu (123).

³³Be Nebo mmwe bakabe bali makumi mashanu ana bali babili (52).

³⁴Bakololo ba Elamu mmwe bakabe bali tjiwulu tjing'ompela tjina mazana mabili ana makumi ali mashanu ana banna (1 254).

³⁵Bakololo ba Harimu bakabe bali mazana matatu ana makumi mabili (320).

³⁶Bakololo be Jerikho bali mazana matatu ana makumi manna ana bali bashanu (345).

³⁷Bakololo be Lodi nebe Hadidi nebe Ono bali mazana ali kutendeka ana makumi mabili ana nng'ompela (721).

³⁸Bakololo be Senaa bali zwiwulu zwitatu ne mazana ali zhanalume ana makumi matatu (3 930).

³⁹Bapirisiti bakabuya kutapiwa: Bakololo ba Jedaya be nsha wa Jeshuwa bali mazana ali zhanalume ne makumi ali kutendeka ana batatu (973).

⁴⁰Bakololo ba Imeri bali tjiwulu tjing'ompela ne makumi mashanu ana babili (1 052).

⁴¹Bakololo ba Phashuri bali tjiwulu tjing'ompela ne mazana mabili ana makumi manna ana kutendeka (1 247).

⁴²Bakololo ba Harimu bali tjiwulu tjing'ompela ne gumi lina bali kutendeka (1 017).

⁴³Ludzi gwe Balevi bakabuya kutapiwa: Bana ba Jeshuwa na Kadimiyele, Bakololo ba Hodaviya bali makumi ali kutendeka ana banna (74).

⁴⁴Bambi be Ng'umba ye Ndzimu: Bakololo ba Asafa bali zana ling'ompela lina makumi manna ana zhanakadzi (148).

⁴⁵Balisi be mikoba: Bakololo ba Shalumu, neba Atere, neba Talimoni, neba Akubu, neba Hatita, neba Shobhayi bose bose bakabe bali zana lina makumi matatu ana zhanakadzi (138).

⁴⁶Bashingi be Ng'umba ye Ndzimu: Bakololo ba Ziha na Hasufa na Tabhaoti

⁴⁷na Kerosi na Siya na Padoni

⁴⁸na Lebhana na Hagaba na Shalimayi

⁴⁹na Hanani na Gideli na Gahara na

⁵⁰Reya na Rezini na Nekoda na

⁵¹Gazamu na Uza na Phaseya

⁵²na Bhesayi ne Bameuni na Nefisimi

⁵³na Bhakibuku na Hakufa na Harihuri

⁵⁴na Baziluti na Mehida na Harisha na

⁵⁵Bharikose na Sisera na Temaha

⁵⁶na Neziya na Hatifa.

⁵⁷Bana be balanda ba Solomoni: Sotayi na Sofereti na Perida,

⁵⁸na Jaala na Dakoni na Gideli

⁵⁹na Shefatiya na Hatili na Pokeretehazebayimu na Amoni.

⁶⁰Mbalo yose ye bashingi be Ng'umba ye Ndzimu neye bana be balanda ba Solomoni yakabe ili mazana matatu ne makumi ali zhanalume ana babili (392).

⁶¹Aba ndi bakabuya bedwa ku Telemela neku Telehasha neku kherubhu neku Adoni neku Imeri, ngono ibo abazotubula kulakidza ha bali bamwe be bana be Iziraela.

⁶²Bakololo ba Delaya ne bakololo ba Tobiya ne ba Nekoda bakabe bali mazana ali tathatu ne makumi manna ana babili (642).

⁶³Ne njudzi dze bapirisiti: Bakololo ba Habhaya neba Hakozi ne bakololo ba Bharizilai wakabe akalobola mmwe we bakololokadzi ba Bharizilai we N'giliyadi ndizo ngono kadang'wa nge zina ilelo.

⁶⁴Bapirisiti ibaba abazowana zwilakidzo zwinolakidza mazwago a bobatategulu babo. Se basakatubula kulakidza zwilakidzo zwa bobatategulu babo, abazoamutjigwa bakatogwa se bakatemapala.

⁶⁵Nlauli wakababudza kuti abangaje zojiwa zwakayengemala kuswikilila kube ne mpirisiti ungashingisa Urimu ne Thumimu.

⁶⁶Mbalo yose ye bathu yakabe ili zwiwulu zwili makumi manna ana babili ne mazana ali matatu ana makumi ali tathatu (42 360),

⁶⁷kuzhe kwe balandalume babo ne balandakadzi babo ibo bakabe bali zwiwulu zwili kutendeka ne mazana ali matatu ana makumi ali matatu ana bali kutendeka (7 337), kakale bakabe bana bambi be tjikadzi ne be tjilume bali mazana mabili ne makumi manna ana bashanu (245).

⁶⁸Mbizi dzabo dzakabe dzili mazana ali kutendeka ne makumi ali matatu ana tathatu (736) ne mowulo dzili mazana mabili ana makumi ali manna ana dzili shanu (245),

⁶⁹kamela dzili mazana manna ana makumi matatu ana dzili shanu (435) ne madonki ali zwiwulu zwili tathatu ne mazana ali kutendeka ana makumi ali mabili (6 720).

⁷⁰Mimwe misholo ye misha yakadusa zwipo zwe moyo ntjena kuti zwibhatshe mu nshingo. Nlauli wakapa mbhati we mari tjilizanyo tje seme dzili zhanakadzi dze golide ne zwikutili zwili makumi mashanu (50) ne zwiambalo zwe bapirisiti zwili mazana mashanu ana makumi matatu (530).

⁷¹Mimwe misholo ye misha bakapa mbhati we mari tjilizanyo tje seme dze golide dzili zana ling'ompela lina makumi ali tathatu ana zhanakadzi (168) ne tjilizanyo tje seme dze siliva dzili tjiwulu tjing'ompela ne mazana mabili ana makumi ali mashanu (1 250),

⁷²bamwe bathu bakadusa tjilizanyo tje seme dze golide dzili zana ling'ompela lina makumi ali tathatu ana zhanakadzi (168) ne tjilizanyo tje seme dze siliva dzili zana ling'ompela ne makumi ali manna (140) ne hazu dze bapirisiti dzili makumi ali tathatu ana dzili kutendeka (67).

⁷³Bapirisiti ne bambi ne balisi ne bashingi be Ng'umba ye Ndzimu bakagala mu mizi yabo ne bathu bamwe be Baiziraela bose bakagala mu mizi yabo.