Read Kalanga Jobe 35 Bible Online

Jobe 35 - Kalanga bible

Jobe 35

¹Ipapo Elihu kati,

²“Unokumbula kuti ikoku kwakalulwama kene? Unoti, ‘I ndulamo yangu mbeli kwe Ndzimu,’

³kwaungadzina ukaubhuzwa uti ‘Ndobuyigwa ngeni, mu kusatjinya kwangu ikoku kene.’

⁴Ndowokudabila iwe ne bakwinya babo banawe.

⁵Linga kuzhuzhugwi ubone, bona makole a pezhugwi kule kule kukupinda.

⁶Ha utjinya unobuyigwa ngeni kudwa muuli, ha matjinyo awo ewanda kothamani kuuli?

⁷Apa uli nlulwami unoupani kene, kene, unoamutjilani tjinodwa mu luboko gugo?

⁸Bubi gugo gotjinyila nthu koga unonga iwe, ndulamo iyo inobhatsha bathu koga.

⁹“Ngekwe bunjinji gwe kutshambilidziwa bathu banolila, banolila bekumbila bhatsho ngoti luboko gwe wakasima gubakulila.

¹⁰Koga akuna unoti, ‘Ndzimu ungayi mbumbi wangu, iwo unombisa bathu busiku,

¹¹iwo unotidiya kupinda phuka dze shango, iwo unotithama kuti titjenjele kupinda nyuni dze phepho.’

¹²Ikoko banolilila kuuli koga autobadabila, ngekwe mazwikudzo e bathu babi.

¹³Nge malebeswa, Ndzimu autoteedza kukumbila kwe suli, Masimbawose abana hanya nako ndodwa.

¹⁴Bukulu seni ha uti autoubona, koga ibe ne moyo nlefu tjililo tjitjo tji mbeli kwawo,

¹⁵ngoti bushongola gwawo ate gwe kuloba shamu, kakale auna hanya ngotjinya,

¹⁶Jobe, unozhula nlomo ne matama e madatha koga, ewatsha matama asina luzibo.”