Read Kalanga Jobe 8 Bible Online

Jobe 8 - Kalanga bible

Jobe 8

¹Bhilidadi we N'shuhi kashandula eti,

²“Apa kowodza kukabe lini wakabhata uleba zwithu izwezwi kene? Matama e nlomo uwo i phepo isishoma!

³Apa Ndzimu unotongo peyamisa ndulamo kene? Apa Masimbawose unotongo peyamisa tjakatambunuka kene?

⁴Ha bana babo bauthamila tjibi, wakabaloba shamu yakalingisana tjibi tjabo.

⁵Koga iwe ha ushaka Ndzimu, ukumbila iye Masimbawose,

⁶ha uli mbuyanana kakale wakatambunuka, nge malebeswa unowomilika kakumilila, ngono kakubgwilizila zwakakulingisana.

⁷Nenguba kutangisa kuko kwakabe kuli kutukununu, misi imbeli kowobe kukulu.

⁸“Bhuzwa ba ntolo ndokukumbila, ngono ubone kuti bobatategulu babo bakazwidiyani,

⁹ngoti iswi takazwagwa madekwe akuna tjatinoziba, ne mazhuba edu mu shango mitutshi koga.

¹⁰Apa abangakudiye bakakubudza tjimwe wali? Apa abangalebe matama anodwa mu hwisiso yabo kene?

¹¹“Apa litokwe gungamela pasina dope kene? Apa lushanga gungapasula pasina vula kene?

¹²Zoti zwitjakula zwisathu zwikatemiwa, zwikabuna tjinyolotjo kupinda mimwe miti.

¹³Kwakajalo ndiyo zila ya bose banokangang'wa Ndzimu, kugalabgwe kukwe kon'pelela iye usina Ndzimu.

¹⁴Kugalabgwe kukwe konga jegwa linofa kugalabgwe kukwe konga ludandi gwe tjibubi.[7]

¹⁵Unonaila ng'umba iye, koga aitoma, unozwibhatilila nayo ngono aitosima.

¹⁶Unonga nti unodilidzigwa nenguba kuli zhuba midzi yawo yakawala mu nnda.

¹⁷Midzi iye inozwipomba mu mabgwe, unoshaka bugalo mu mabgwe.

¹⁸Koga ha angasimugwa pa magalo awe, magalo anozwin'landula eti, ‘Andithu akubona.’

¹⁹Nge lebeswa ndiko kushatha kwe zila iye, koga mu mavu mimwe miti inowomela.

²⁰“Nge malebeswa Ndzimu autolamba nthu usina nlandu, kene kubhatsha banothama mbipo.

²¹Koga unowozhadza nlomo uwo nge tjiseko, milomo iyo inozhala nsindo we mpululu!

²²Koga ibabo banokubenga banowobhakhwa nge shoni, ne mishasha ye babi aitjowobepo.”