Read Kalanga Njimbo 101 Bible Online

Njimbo 101 - Kalanga bible

Njimbo 101

¹Ndowomba ngekwe kugalikabgwe ne ndulamo ndowombila imwi Yahwe.

²Ndowozwidiya zila dzakalulwama. Apa mowozha kundili lini kene? Ndowoyenda nge moyo ntjena, mu ng'umba yangu.

³Anditowobiga tjimwe, pa mesho angu tjakabipa. Ndobenga bathu be mija yakabhuda mu zila, aingandinamatile.

⁴Moyo wakakombama unowobe kutjena nami, anditowoziba tjimwe ngekwe bubi.

⁵Iye unowoleba shaya ngekwe mbakidzani naye ndowonlobesa. Nthu we mesho akakangadzika ne moyo we mazwikudzo, anditowonletjedzela.

⁶Ndowoma ne banogalikabgwe mu shango, kuti ndizo batjile nami, mmwe ne mmwe unoyenda mu zila isingasoleke, unowondishingila.

⁷Akuna nthu unothama butjebeli unowogala mu ng'umba yangu, akuna nthu unoleba manyepkhwa unowogala pandili.

⁸Mangwanana mamwe ne mamwe ndowolobesa babi bose mu shango, ndithubula bashingi be bubi bose kudwa mu nzi nkulu wa Yahwe.