Read Kalanga Njimbo 111 Bible Online

Njimbo 111 - Kalanga bible

Njimbo 111

¹Kudzani Yahwe! Ndowotenda Yahwe nge moyo wangu wose, mu nshangano we bakatambunuka ne mu gubungano.

²Mishingo ya Yahwe mikulu seni! Inokumbugwa ndibose banoishathila.

³Nshingo wabo i gudzo ne bushe, ngono ndulamo yabo imile nge kusingapele.

⁴Bakathama kuti mishingo yabo inotjenamisa ikumbugwe, Yahwe bana ngoni ne lubu.

⁵She banopa ibabo banobatja zojiwa, banokumbula ngekwe tjidumano tjabo ngekwe kusingapele.

⁶Bakalakidza bathu babo simba le mishingo yabo, nge kubapa shango dze zwitjaba zwimwe.

⁷Mishingo ye maboko abo inogalikabgwe kakale yakatambunuka, ndayo dzabo dzose dzogalikabgwe.

⁸Yakathamwa nge kusingapele kose, yakathamwa nge malebeswa ne nge kutambunuka.

⁹Bakazhisa dzutunulo ku bathu babo, bakalaula tjidumano tjabo nge kusingapele kose. Zina labo lakayengemala kakale lotjisa.

¹⁰Kutja Yahwe ndigo budwilo gwe butjenjedu, bose banokuthama bana hwisiso yakanaka. Kudziwa kwa Yahwe kumile nge kusingapele.