Read Kalanga Njimbo 112 Bible Online

Njimbo 112 - Kalanga bible

Njimbo 112

¹Kudzani Yahwe! Kwakakombolegwa nthu unotja Yahwe, iye unoshathila milayo yabo.

²Zwizekugwana zwizwe zowobe ne simba mu shango, tjizekugwana tje wakatambunuka tjowokombolegwa.

³Bufumi ne fumwa zwimu ng'umba iye, ne ndulamo iye imile nge kusingapele.

⁴Tjedza tjobhudila bakatambunuka, balume bana ngoni ne lubu ne ndulamo.

⁵Kwakalulwamila nlume una buthu kakale eadzimana akasununguka, unothama mishingo iye nge kwakatambunuka.

⁶Ngobe nlulwami atowotshedugwa, unowokumbugwa nge kusingapele.

⁷Atotja thawu dzakabipa, moyo uwe wakatilingindi, ugelebgwe muna Yahwe.

⁸Moyo uwe wakadzikama, autotongotja, kuswikila ebona kuyemula kukwe mu zwita zwizwe.

⁹Wakakoba nge sununguko, wakapa bashayi, ndulamo iye imile nge kusingapele, simba lile lowotolegwa pezhugwi ngotetiwa.

¹⁰Nlume mbi unogubona kagwadzamoyo, unotafunanya meno awe kanyawuka kapela, kuyemula kwe mbi akute kuli tjimwe.