Read Kalanga Njimbo 122 Bible Online

Njimbo 122 - Kalanga bible

Njimbo 122

¹Ndakashatha pa bakandidwa beti, “Ngatiyende ku Ng'umba ya Yahwe!”

²Makumbo edu amile mukati kwe mikoba iyo, iwe Jerusalema.

³Jerusalema, wakabakwa se nzi nkulu umile wakasomana kwakasima.

⁴Njudzi dzoyenda ku uli, njudzi dza Yahwe, sekwa kwakalauligwa Iziraela, kuti aboke zina la Yahwe.

⁵Ngobe ndiko kwakabigwa zwigalo zwe bushe, zwigalo zwe bushe zwe ng'umba ya Dafite.

⁶Tembezelelani kunyalala kwe Jerusalema: “Dzene bangabhudilila ibabo banokuda.

⁷Kunyalala ngakube mukati kwe bhakasa lilo, ne mbakililo mu thungamakole dzidzo.”

⁸Kuthamila zwikamu ne bazwalani bangu. Ndowoti, “Kunyalala ngakube nawe.”

⁹Kuthamila ng'umba ya Yahwe Ndzimu wedu, ndotembezelela kubhudilila kuko!