Read Kalanga Njimbo 136 Bible Online

Njimbo 136 - Kalanga bible

Njimbo 136

¹Tendani Yahwe, ngobe bakalulwama, ngobe ludo gwabo gusingazunguzike gumile nge kusingapele.

²Tendani Ndzimu we midzimu, ngobe ludo gwabo gusingazunguzike gumile nge kusingapele.

³Tendani She wa boshe, ngobe ludo gwabo gusingazunguzike gumile nge kusingapele.

⁴Ndibo boga banothama matjenamiso makulu, ngobe ludo gwabo gusingazunguzike gumile nge kusingapele.

⁵Ibo nge hwisiso yabo bakathama kudzimu, ngobe ludo gwabo gusingazunguzike gumile nge kusingapele.

⁶Ibo bakawala shango pezhugwi kwe vula, ngobe ludo gwabo gusingazunguzike gumile nge kusingapele.

⁷Ibo bakathama mavone makulu, ngobe ludo gwabo gusingazunguzike gumile nge kusingapele.

⁸Bakathama zhuba kuti libuse masikati, ngobe ludo gwabo gusingazunguzike gumile nge kusingapele.

⁹Bakathama mwedzi ne nyenyedzi kuti zwibuse busiku, ngobe ludo gwabo gusingazunguzike gumile nge kusingapele.

¹⁰Bakaloba Egipiti ngobulaya mbano dzabo, ngobe ludo gwabo gusingazunguzike gumile nge kusingapele.

¹¹Kakale bakadusa Iziraela pakati kwabo, ngobe ludo gwabo gusingazunguzike gumile nge kusingapele,

¹²nge tjiazha tjakasima ne luboko gwakatambunuka, ngobe ludo gwabo gusingazunguzike gumile nge kusingapele.

¹³Ibo bakathubukanya Gungwa Shaba na pakati, ngobe ludo gwabo gusingazunguzike gumile nge kusingapele,

¹⁴ngono bakapalamisa Iziraela pakati kwago, ngobe ludo gwabo gusingazunguzike gumile nge kusingapele,

¹⁵koga kafukidza Faro ne babhayani babe mu Gungwa Shaba, ngobe ludo gwabo gusingazunguzike gumile nge kusingapele.

¹⁶Ibo bakatungamila bathu babo mu tjilambanyika, ngobe ludo gwabo gusingazunguzike gumile nge kusingapele.

¹⁷Ibo bakabulaya bomambo, ngobe ludo gwabo gusingazunguzike gumile nge kusingapele,

¹⁸kakale bakabulaya bomambo bana tjilumbi, ngobe ludo gwabo gusingazunguzike gumile nge kusingapele,

¹⁹Sihoni mambo we Bamori, ngobe ludo gwabo gusingazunguzike gumile nge kusingapele,

²⁰na Ogi, mambo we Bhashani, ngobe ludo gwabo gusingazunguzike gumile nge kusingapele,

²¹bakakoba shango yabo kube lukata, ngobe ludo gwabo gusingazunguzike gumile nge kusingapele,

²²lukata ku balanda babo Baiziraela, ngobe ludo gwabo gusingazunguzike gumile nge kusingapele.

²³Ndibo bakatikumbula patakabe tikuligwa nge mishingo yedu, ngobe ludo gwabo gusingazunguzike gumile nge kusingapele,

²⁴kakale bakatiangula mu zwita zwedu, ngobe ludo gwabo gusingazunguzike gumile nge kusingapele.

²⁵Ibo banopa bathu bose zojiwa, ngobe ludo gwabo gusingazunguzike gumile nge kusingapele.

²⁶Tendani Ndzimu we kudzimu, ngobe ludo gwabo gusingazunguzike gumile nge kusingapele!