Read Kalanga Njimbo 24 Bible Online

Njimbo 24 - Kalanga bible

Njimbo 24

¹Shango ngeya Yahwe naiko kose ku muili, lubumbo na bose bagele muguli,

²ngoti bakagubamba pezhugwi kwe makungwa, bakathama thiwa dzago pezhugwi kwe njizi.

³Ndiyani ungatatha dombo la Yahwe? Ndiyani unowoma mu bugalo gwabo gwakayengemala?

⁴Ndi ibabo bana maboko mabuyanana ne mimoyo yakatjena. Basinganginikane nge ndzimu we manyepkhwa, basingatune kwe bupitipiti.

⁵Banowoamutjila makombolelo kuna Yahwe, kusabe ne nlandu kwabo kowotendekwa nge Ndzimu we jidzo labo.

⁶Bakajali nge be gupo linoushaka, ibo banoshaka buso gwe Ndzimu wa Jakubo.

⁷Milidzani misholo yenyu imwi mikoba! Zhukani imwi zwizhalilo zwa ntolo kuti ndizo mambo we tjedza angine.

⁸Mambo be masimba ndiyani? Ndi Yahwe bakasima bana masimba, ndi Yahwe bakasima mu ngwa.

⁹Milidzani misholo yenyu imwi mikoba! Zhukani imwi zwizhalilo zwa ntolo, kuti ndizo mambo be masimba bangine.

¹⁰Mambo be tjedza ndiyani? Ndi Yahwe be Mibunga, ndibo mambo be tjedza.