Read Kalanga Njimbo 26 Bible Online

Njimbo 26 - Kalanga bible

Njimbo 26

¹Yahwe, lakidzani kuti andina nlandu ngoti ndakatjila butjilo gusina nlandu. Kakale ndakagalabgwe muna Yahwe ndisingazunguzike.

²Yahwe, mundishole kakale mundilike, likani moyo wangu ne njalakang'wa dzangu.

³Ludo gwenyu gusingazunguzike, gumu mesho angu, kakale ndogalikabgwe kumuli.

⁴Anditogala ntutshi ne bathu basibe tjimwe, kene kuyendidzana ne batjengedzi.

⁵Ndobenga goko le bashingi be bubi, ndizo andingagale ne babi.

⁶Ndongula maboko angu kulakidza kusabe ne nlandu, ndibe ndipoteleka tjibeso tjenyu Yahwe tjinopisigwa zwibhayilo,

⁷ndimbila pezhugwi lumbo gwe kuboka, ndileba mishingo yenyu yose inotjenamisa.

⁸Yahwe, ndoda ng'umba yamunogala muili, ne panogala tjedza tjenyu.

⁹Musinditshwayilile kuzhe ne batjinyi, kene butjilo gwangu ne bana nyota ye kubulaya,

¹⁰bathu be maboko azhele bubi, maboko abo e luji azhele tjizwimba nlomo.

¹¹Koga nge kwangu, ndakatambunuka, mundidzutunule, mube ne ngoni nami.

¹²Makumbo angu amile pakalulwama, mu gubungano gulu, ndowokudza Yahwe.