Read Kalanga Njimbo 32 Bible Online

Njimbo 32 - Kalanga bible

Njimbo 32

¹Kwakakombolegwa iye una matjinyo akazwiibhatigwa, iye una tjibi tjaka vukidziwa.

²Kwakakombolegwa iye usingatilikwe nlandu ndi Yahwe, iye usina bupitipiti mu meya iye.

³Ha ndisingazwilebe tjibi tjangu, mbili wangu unoshakadziwa nge kugomela zhuba lose.

⁴Siku ne sikati shamu yenyu inondikulila. Simba langu lakapela, se doba lapedziwa ngopisa kwe tjilimo.

⁵Ndizo aduma tjibi tjangu, ngono asisumbike jinyo langu. Ndakati, “Ndowozwileba matjinyo angu kuna Yahwe,” ipapo mukandizwiibhatigwa tjibi tjangu.

⁶Ndizo mmwe ne mmwe unogalamoyo ngaamutembezele mu nsi we kudziyidzika, kowoti misundila mikulu ye kudziyila izha ikasinswikile.

⁷Ndimwi mabgwatilo angu, mowondibakila mu mbatsha, mukandikombeledza nge njimbo dze kusunungugwa.

⁸Ndowokulaya akudiya zila yawakafanila tobela, ndowokukumbuludza ndakakulinga nge zhisho langu.

⁹Usinge mbizi kene mowulo, ukashaya kuhwisisa, zwinolaugwa nge tomu, kuzhe kwa ikoko azwingayendidzane nawe.

¹⁰Kudziyila kunji ngekwe babi, koga ludo gusingazunguzike gwakapoteleka ibabo banogalabgwe muna Yahwe.

¹¹Shathani muna Yahwe mupululudze, imwi balulwami, mumimile nge kushatha, imwi mose be mimoyo yakatambunuka.