Read Kalanga Njimbo 39 Bible Online

Njimbo 39 - Kalanga bible

Njimbo 39

¹Ndakati, “Ndowotjengeta zila dzangu kuti ndisitongotjinya nge lulimi gwangu, ndowobhata nlomo wangu ha babi bali pandili.”

²Ndakazwiyita tjimumu ha nyalala, azwibhata kukasibhatshe tjimwe. Kuhwazogwadza kwangu kukapaphidzika.

³Moyo wangu ukapisa mukati kwangu. Ndakati ndiaalakana kwazokwazo, moto ukapisa, ngono alebeleka nge lulimi gwangu.

⁴“Yahwe, thamani kuti ndizibe bhelelo langu, nenge mbalo ye mazhuba angu. Thamani kuti ndizibe kuti butjilo gwangu gopela gulibilidza tjini.”

⁵Makathama mazhuba angu kabe mashomanana, ne butjilo gwangu ategulitjinwe mu mesho enyu. Malebeswa hwuti mmwe ne mmwe unonga meya yafemiwa.

⁶Malebeswa hwuti nthu unoyenda se ntutshi Malebeswa kuti banodziyidzikila suli, unokubunganya fumwa asingazibe ntoli wayo.

⁷Ngono ngwenu She, nditjakalindilani? Ndogalabgwe mu muli.

⁸Mundisunungule mu matjinyo angu. Musindithame iseko tje zwilengwe.

⁹Ndi tjimumu anditozhula nlomo wangu, ngobe ndimwi makathama ikoku.

¹⁰Dusani shamu yenyu mundili, ndatjishakadzwa ngotibugwa nge luboko gwenyu.

¹¹Ha muloba nthu mu ntjemelela tjibi, molobesa zwaanoda se sola. Malebeswa nthu unonga meya koga yafemiwa.

¹²Ihwani ntembezelo wangu Yahwe, muteedzeni tjililo tjangu, musinyalale ha nditebula mishodzi. Ngoti ndi mwezi wenyu unopinda, ndin'yendi sa bobatategulu bangu bose.

¹³Musinditjebuke kuti ndizo ndibone kushatha ndisathu ayenda, ndisingawobong'wa kakale.