Read Kalanga Njimbo 46 Bible Online

Njimbo 46 - Kalanga bible

Njimbo 46

¹Ndzimu i dizhilo ledu kakale i simba ledu, i bhatsho ipejo pejo mu lubaka gwe kudziyidzika.

²Ndizo atingatje, nenguba shango ingashanduka nenguba matombo angatetema mu kudzongeka kwe vula ye gungwa.

³Nenguba vula ye gungwa ingawona ikatutuma mafulo, nenguba matombo angatetema mu kudzongeka kwe vula ye gungwa.

⁴Kuna gwizi gwe vula inoshathisa nzi nkulu we Ndzimu, bugalo gwakayengemala gwa iye Upezhugwi zhugwi.

⁵Ndzimu upakati kwe nzi nkulu, awunga tshedugwe nge tjimwe; Ndzimu unowobhatsha nzi nkulu mu mangwanana makulu.

⁶Zwitjaba zwakadzongeka, ne mibuso inotetema Ndzimu unodusa hwi lawo, shango ikanyauka.

⁷Yahwe we mibunga unaswi; Ndzimu wa Jakubo i dizhilo ledu

⁸Izhani mubone mishingo ya Yahwe; bonani kudziyidzika kwabakazhisa mu shango.

⁹Banothama kuti ngwa dzime ne kunopelela shango; banovuna dati bakathubulila thumo banopisa zwivikili nge moto.

¹⁰“Dzikama, uzibe kuti ndi Ndzimu! Ndokudziwa pakati kwe zwitjaba. Ndomilidzigwa pezhugwi mu shango.”

¹¹Yahwe we mibunga unaswi Ndzimu wa Jakubo i dizhilo ledu.