Read Kalanga Njimbo 47 Bible Online

Njimbo 47 - Kalanga bible

Njimbo 47

¹Lobani phande, imwi bathu mose; Mimililani Ndzimu mumbile pezhugwi njimbo dze shatho.

²Ngobe Yahwe, ibo ba pezhugwizhugwi banotjisa, ndi mambo nkulu we shango yose.

³Bakathama kuti bathu babe pasi kwedu, ne zwitjaba bakazwiyisa kusi kwe makumbo edu.

⁴Ndizo bakatishalila lukata, ndiko shatha kwa Jakubo iye wabanoda.

⁵Ndzimu wayenda pezhugwi nge mpululu, ibo Yahwe bayenda nge nlidzo we lunyanga;

⁶Mbilani Ndzimu njimbo dze gudzo, imbani njimbo dze gudzo! Mbilani mambo njimbo dze gudzo, imbani njimbo dze gudzo!

⁷Ndzimu ndiwo mambo we shango yose, mu nkudze nge njimbo.

⁸Ndzimu unobusa zwitjaba; Ndzimu ugele mu tjigalo tjawo tjakayengemala tje bushe.

⁹Bakololo be bushe banokubungana bali bathu be Ndzimu wa Abhurahama. Zwivikili zwe shango ngezwe Ndzimu; bakamilidzigwa pezhugwi tjoselele.